الأفلام دي هتساعدك تتعلم الإنجليزي من غير كورسات

كتير مننا ميعرفوش يتخطوا أزمة الإنجليزي وبيبقوا فاكرين إن التعليم هو الأساس سواء من خلال الكورسات الأونلاين أو الحية، مع إن أفضل طريقة لتعلم الإنجليزية هي مشاهدة الأفلام الأجنبية المترجمة.

كل اللي عليك هو اختيار فيلم بسيط، بلاش الخيال العلمي لإنك هتلاقيه معقد ومليان كلمات صعبة مش هتعرف تتعلم منه، الخطوة التانية إنك تقسم الفيلم على مراحل وتحاول تترجم كل كلمة مش فاهمها وتحاول تتخيل معنى الجملة من السياق.

وعلشان نساعدك «شبابيك» بتقدملك 5 أفلام هتلاقيهم مش مملين وممكن تبدأ بيهم وتخلصهم خلال الشهر ده:

• toy story

فيلم الأنيمشن الرائع، حتى لو اتفرجت عليه كذا مرة، اتفرج عليه بالترجمة الإنجليزية بتاعته، سهل ومبسط وغير ممل.

للتحميل: اضغط هنا

• harry potter

 صحيح إنك هتلاقي السلسة كلها باللغة الإنجليزية، بس الأكيد إنها هتكون من أمتع وأفضل الأفلام اللي هتشوفها وخصوصًا مع نطق الكلمات اللي هيكون واضح جدًا.

للتحميل: اضغط هنا

• troy

يعتبر من أفضل الأفلام اللي ممكن تشوفها في حياتك، وبما إن أغلب الناس شافته بترجمة عربية هيكون سهل جدًا تشوفه بالإنجليزية وتفهمه.

للتحميل: اضغط هنا

• the final destination

فيلم رائع وأحداثه مثيرة وجملة بسيطة جدًا تقدر تتعلم منها.

للتحميل: اضغط هنا

• Night at museum

الفيلم الكوميدي الجميل للممثل بين ستيلر، معاه مش هتحس بأي ملل لا وكمان هتقدر معاه تستكسب معلومات جديدة.

للتحميل: اضغط هنا