لو ليكي في «الأشغال اليدوية».. شوفي الكورسات دي
زمان البنات كانت بتواجة صعوبات كتير لحد لما تلاقي شغل يناسب ظروفها العائلية، منهم اللي كانت بتعافر وتعاند في كل شيء لحد لما توصل للي عاوزاه، ومنهم اللي كانت بتستسلم للوضع.
وعلشان متتخليش عن حلم استقلالك اللي مش هتعرفي تحققيه غير بشغل، «شبابيك» بيقولك شوفي الكورسات دي لو ليكي في الأشغال اليدوية وبتحبيها، كل اللي عليكي إنك تركزي وتتعبي شوية من البيت من غير أي خروج علشان تبدأي مشروعك اللي في يوم من الأيام ممكن يكون أكبر مشروع.
كورس «التريكو»
لو عاوزه تتعلمي وتعرفي أساسيات التريكو من البداية للاحتراف، الكورس ده هيعرفك كل شيء عنه سواء كان مرتبط بتقنيات المساعدة أو طريقة عمل «الكفوف، والجوارب، والشالات، والياقات والبلوفرات»، علشان في النهاية تبدأي مشروع خاص بكي.
للإطلاع على لينك الكورس اضغط هنا
كورس «الإكسسوارات»
صناعة الإكسسوارات مش بس هتقدري تغيري بيها اللوك بتاعك، لأ كمان تقدري تجددي بيها شكلك وشخصيتك على ذوقك إنتي.
ولو كان عندك الهواية ومش لاقيه شغل ليه متخليهوش وسيلة حرة لكسب الزرق.
للإطلاع على لينك الكورس اضغط هنا
كورس تعليم «الكروشيه»
نفسك تتعلميه بس مش عارفة مواعيد ورش العمل بتاعته أو ظروفك متسمحلكيش بالخروج كتير، اللينك ده هيعلمك كل حاجة خاصة بالكوروشية من البداية حتى الاحتراف سواءً كان: «شنط كروشية- المفارش- شال- كوفيات- جرابات موبايل» وحاجات كتير.
للإطلاع على لينك الكورس: اضغط هنا
كورس تعليم «الخياطة»
هنا هتعرفي إزاي تفصلي حاجاتك كلها على الموضة بطرق سهلة جدًا من غير مايكون عندك خبرة كبيرة بالخياطة.
هتتعلمي إزاى تعملي: «تنورات طويلة- وإسدال للصلاة- وبلوزات بكم- وفساتين طويلة بطريقة بسيطة- وسروال علاء الدين»، كمان هتقدري تعرفي إزاي تحولي إيشارب لفيست للمحجبات، كل ده مع تعليم الباترون والتفصيل في ساعة.
للإطلاع على لينك الكورس اضغط هنا
