رئيس التحرير أحمد متولي
 لطلاب الثانوي.. 6 نصائح عشان تدخل في جو المذاكرة

لطلاب الثانوي.. 6 نصائح عشان تدخل في جو المذاكرة

مش عارف تهيئ نفسك لجو مذاكرة فعال، أو زهقت من المذاكرة وبتحس إنك كل يوم بتضيع وقتك على الفاضي من غير أي تحصيل؟ عشان مفيش وقت تضيعه، «شبابيك» بيقدملك في التقرير ده  6 نصائح لو نفذتها صح هتقدر تهيئ ليك جو مذاكرة فعال.

توقيت المذاكرة

كتير مننا بيشوفوا إن اختيار التوقيت أمر مش ضروري وإن الأهمية تكمن في قدرتك على التحصيل، في الحقيقة الكلام ده غلط لإن عامل التوقيت هو الوحيد اللي بيحدد كمية التحصيل.

والدليل على ده أن هناك اللي بيفضلالمذاكرة بعد منتصف الليل بعكس ناس تانيه بتشوف يرونأن التوقيت الأفضل هو بعد الفجر مباشرة.اعرف وقت المذاكرة المناسب ليك وذاكر فيه.

شكل المكان

مش لازم المكان اللي بتذاكر فيه يكون مرتب عشان تعرف تذاكر، الأمر في الأول والأخر بيرجع ليك أنت لو ترتيب المكان هيفرق معاك رتبه، لو المكان مش هيفرق معاك مفيش مشكلة، بس خد بالك إن أطباء علم النفس بينصحوا بالتأكد من ترتيب غرفتك وتعطيرها قبل بداية المذاكرة بعيدًا عن الفوضى عشان تقدر تحصل أكبر قدر من التركيز.

المؤثرات الخارجية

لو إنت من الشخصيات اللي بتحب تذاكر وفي جنبها أصوات زي الموسيقى متنساش تشغلها علشان تحقق أكبر قدر من المذاكرة.

بس لو مبتحبهاش وفي بدائل تانية ممكن تعملها زي إنك تتحرك في المكان طول ما إنت بتذاكر أو إنك تجهز مشروبات جنبك، اعملها طالما هتساعدك على التحصيل.

متنساش الأكل ده

في ناس لما بتجوع مبتعرفش تركز، لو إنت منهم لازم تأكل كويس قبل ما تذاكر. راعي في النقطة دي إن الأكل يكون صحي مفيهوش أي دهون؛ علشان شهيتك تتفتح للمذاكرة من غير تعطيل.

فكر نفسك بالدافع

الخطوة دي بينساها كتير مننا بالرغم إن أهميتها متقلش عن باقي الخطوات؛ ووده راجع لإن تفكير الإنسان بالدافع هيزود حماسه أكتر وهيشجعه إن يبذل كل طاقته علشان يحس إن وقته مراحش على الأرض.

ابعد عن مصادر التشويش

مواقع التواصل الاجتماعي كلها مصادر تشويش من الدرجة الأولى وأول أسباب فقدان التركيز، علشان كده لازم تقرر بنفسك قبل المذاكرة إنك هتقفل كل التطبيقات دي وتعمل الموبايل صامت لعدم التشويش.

سوزان حسني

سوزان حسني

صحفية مهتمة بالكتابة في مجال العلاقات