نجوم شباب يستحقون لقب «جان»
من زمان لحد دلوقتى بيظهر على الشاشة «جانات» فنية مبدعة زي مثلًا رشدي أباظة، وأحمد رمزي، وأحمد زكي، وصلاح ذو الفقار، وغيرهم كتير. وفي الوقت الحالي ظهر نجوم قدروا أنهم يتلقبوا بلقب «جان» في وقت قصير، ودول هما اللي هنتكلم عليهم في الموضوع ده.
باسل الخياط
للوهلة الأولى تحس إن روح وعظمة ورجولة رشدي أباظة حضرت فجأة فيه، «الخياط» ليه هيبة سحرية على الشاشة بتخليك مركز في تمثيله، وعايز تعرف سر عظمة تجسيده للدور أيه، يعني في مسلسل «طريقي» جعل الكل يشهد إنه نجم لامع وده من شدة براعته في تقمص الشخصية اللي كان بيأديها.
ظافر العابدين
مسلسل «فيرتيجو»، و«نيران صديقة»، و«تحت السيطرة» كانت 3 علامات مميزة في تاريخ «ظافر» الفني اللي من خلالهم قدر إنه يستحق لقب «جان وسيم» عن جدارة وبقى ليه شعبية كبيرة جدًا.
أسر ياسين
الملامح القمحاوية المصرية لما تكون في راجل بتزيده وسامة وبتخليه «جان» بمجرد ما تشوفه تعرف قد إيه مصر ولادة «جانات»، وعشان كده قدر أسر ياسين إنه يخطفنا من أول ما ظهر على الشاشة سواء في فيلم «رسايل البحر» و«الوعد» و«مسلسل العهد».
