لعشاق الرعب.. عيش تجربة الروح الشيطانية مع الأفلام دي
هل تخيلت في يوم إن ممكن روح شيطان تلبسك؟ طب فكرت إن لو ده حصل حياتك هتتقلب رأسًا على عقب أو بمعنى أصح حياتك هتنتهي لو محدش عرف ينقذك؟، طب ما تيجي تجرب وتعيش تجربة الروح الشيطانية مع الأفلام دي بس المرة دي مش هتكون مجرد متفرج اتفرجت عليها قبل كدة لأ ده أنت هتتخيل إن لبسك روح شيطان في الحقيقة.
The Exorcism of Emily Rose
إيميلي روز مش مجرد شخصية خيالية في فيلم لبستها روح شيطان وحاولوا يخرجوه منها لأ دي قصة حقيقية متوثقة بفيديوهات. قصة لو شوفتها قلبك مش هيبطل دق، فقبل ما تشوف الفيلم من هنا اتفرج على الفيديو الحقيقي هنا.
The conjuring
زي ما شخصية إيميلي روز اللي اتكلمنا عنها فوق كانت حقيقية، الفيلم ده بقى كل تفاصيله حقيقية من أشخاص بيتكونوا من أب وأم وأولاد ومكان وتفاصيل زمنية شهدت روح شيطانية شديدة قوي سكنت في البيت اللي عايشين فيه ولبست الأم. اتفرج بقى على الحقيقة وشوف الفيلم من هنا.
case 39
خيرًا تعمل.. تلاقي شيطان في بيتك، تخيل أنك أنقذت طفل من معاملة والديه السيئة والطفل ده اللي جبته وقعدته في بيتك طلع لابساه روح شيطان وأصبحت حياتك مهددة في أي لحظة. تفتكر هتتصرف ازاي؟. لو لسة مش مجمع هتعمل أيه اتفرج على اللي ممكن تعمله وشوف إذا كان هينفع ولا لأ من هنا..
The omen
كنتوا بتتمنوا تخلفوا من زمان عشان ابنكوا يبقى خلاصة تجربة حبكوا وخلفتوا. لغاية هنا القصة ماشية تمام بس لو اكتشفت فجأة إن ابنك لابس روح شيطان. تفتكر هتقتله ولا روح الأب هتطغى عليك . تخيل وشوف هنا.
