لو عايزة تعيشي جو رومانسي اتفرجي على الأفلام دي
أحلى حاجة في الدنيا الحب وأنك تعيشي الرومانسية مع حبيب اختاره قلبك وعقلك، ولو لسة مقابلتيش الحبيب ده متقلقيش ربنا هيرزقك، ولحد ما ربنا يرزقك عيشي جو الرومانسية مع الأفلام ديه :)
The Vow
الحبيب الوفي اللي مستعد يفضل لحد أخر نفس في عمره سند لحبيبته وده اللي بيتكم عنه الفيلم اللي بيحكي عن زوجة حصلها حادثة أدت لإصابتها بالزهايمر فنسيت أنها أصلًا كانت متجوزة فقرر جوزها أنه يتقرب منها ويتقدم لها من أول جديد. ومش أي راجل يستحمل الموضوع ده غير لو بيحب حب ملوش نهاية.
عيشي الحب اللي ملوش نهاية من هنا
Note book
نموذج تاني من الحبيب الوفي، تخيلي كده اتعرفتي على حبيب وعيشتي معاه قصة حب عظيمة واتجوزتوا وخلفتوا، ولما كبرتي في السن جالك زهايمر ونسيتي كل القصة دي وبتفتكريها تخاطيف وحبيبك فضل جمبك عكازك تتسندي عليه في تعبك وبيحاول يفكرك بأحداث قصتكوا اللي كتبها حرف حرف. وضرب مثل عظيم من أمثلة الوفاء.
اتفرجي على عظمة الوفاء في الحب من هنا
A walk to remember
الحب من طرف واحد أصعب حب وقعت فيه «جيمي» لما حبت «لاندون» بس قدرت إنها تخليه يعشقها ويتعلق بيها قوي بس للأسف «جيمي» ماتت بالسرطان وكأن أمنيتها إنه يحبها وتحبه، ديه كانت أخر أمنية ليها قبل ما تموت.
عيشي قصتهم من هنا
The fault in our stars
وجنون الحب دوا يشفي أي مرض، «هازيل جرايس» و«أوجستس واترز» اتعرفوا على بعض في مركز السرطان، و«هازيل» معاها دايمًا أنبوبة الأكسجين منين ما تروح أما «أوجستس» فدايمًا يسخر من ساقه الصناعية، الإتنين حبوا بعض قوي، وحبهم الجنوني المختلف عن باقي قصص الحب نساهم أي تعب حاسين بيه :)
اتفرجي على الحالة العظيمة دي من هنا
حبيبي دائمًا
من أعظم الأفلام الرومانسية المصرية، الفيلم ده محدش أبدًا يقدر يزهق منه لأنه حقيقي قوي. بوسي ونور مكنوش مجرد ممثلين بيمثلوا لأ دول إتنين فعلًا بيحبوا بعض وحبهم بقى من قصص الحب الخالدة بكل تفاصيله الجميلة العظيمة.
بوسي ونور قصة حبهم الحقيقية هنا
