بهذه الروايات.. تعلم القراءة باللغة الإنجليزية
الإنجليزي بيمثل عقدة عند معظمنا وياما خدنا كورسات فيه بس برضه مفيش فايدة وده لأننا مش بنمارسه. وفي الموضوع ده حبينا نخليكوا تمارسوا اللغة عن طريق روايات مبسطة شيقة تقروها وتمارسوا من خلالها اللغة.
قصص قصيرة في كتاب
في اللينك اللي هنا هتلاقي مجموعة قصص قصيرة مبسطة جدًا. وميزة القصص دي إنها سريعة في قراءتها وفي تدريبك على اللغة بسرعة وكمان معرفة أكبر قدر من الكلمات اللي ممكن تكتبها في ورقة على جنب وأنت بتقرأ وبعد ما تخلص قراءة القصص اقرأ الكلمات وهتلاقيها ثبتت في دماغك.
وهنا هتقدر تقرأ قصص أكتر وكمان تسمعها وطبعًا السمع شيء مهم جدًا في اللغة لأنك هتتدرب وتعرف مخارج الحروف الصح للي بتقرأها، وكل ما قريت وسمعت أكتر كل ما رهبة الكلام بالإنجليزي تبدأ تختفي من عندك واحدة واحدة.
روايات لمستواك
في مكتبة السفارة الأمريكية تقدر تروح ليها وتقرأ الروايات اللي مناسبة لمستواك في اللغة سواء كنت مبتدأ أو متوسط وطبعًا تقدر تسألهم هناك عن الأماكن اللي تقدر تشتري منها الروايات دي.
وبعد ما عملت الخطوتين اللي فاتوا تقدر تقرا دلوقت روايات مش مرتبطة بمستواك في اللغة ممكن تقرأ مثلًا رواية A walk to remember من هنا أو رواية Note book من هنا أو رواية «أنا كارنينا» اللي اتاخد عنها فيلم «نهر الحب» من هنا أو تاجر البندقية من هنا، وده لأن كل ما بتقرأ أكتر كل ما اتعودت على الإنجليزي أكتر.
