سافر لندن وزور «سوهو» وأنت فى مصر (صور وفيديو)
أكيد كلنا بنحب نخرج ونتفسح وبنحب السفر عشان نغير جو، وكمان لو مكان جديد هيبقا مختلف اوى.. وأكيد طبعا كلنا بنحلم نسافر بره مصر. دلوقتي لو انت فى شرم الشيخ أو رايح هناك لازم تزور "سوهو سكوير" وهتحس إنك في لندن.
"سوهو سكوير" هو عبارة عن مجمع مطاعم فى شرم الشيخ وهو أسم مقتبس من ميدان السوهو الشهير في لندن..المنطقة دى تقدر تقول نسخة مصرية من "الميدان اللندندي"وهتلاقيه بيجمع بين الروح الإنجليزية والمصرية.
أكتر حاجة هتجذبك هناك "النافورة الراقصة " اللى بتبدأ العروض فيها من الساعة 6 مساءا وهى عرض مائي مع ألعاب نارية بيطلقوها فى الهواء وبتدى شكل مبهج جدا.
كمان هتلاقي هناك عروض أسبوعية تشمل برنامج متنوعة، زى المسرح الرئيسى بـ يستضيف عروض ترفيهية بـ يقدمها فنانين من كل أنحاء العالم. العروض الممتعة تشمل عروض بالنار، ومغنيين، ورقص شرقى وموسيقى.
كلهم مع فريق من المؤديين بـ يركزوا على المواهب الشرقية اسمهم 'Barefoot'، بـ يقدموا عروض بالنار، ورقص، وباليه وسيرك. ودى حلوة جدا
الميدان كمان فيه تنوع كبير من المطاعم والكافيهات، بجد بيقدم حاجة لكل الأذواق مهما كانت وبأسعار مختلفة، رغم أن أغلبهم أغلى بكثير من القاهرة. الكافيهات كلها صف واحد والمنيمم تشارج بتاعها بيكون 99 جنيه مصرى للفرد.
وهتلاقى كل الاوبشن اللى ماشى مع مودك ياعنى مثلا لو عاوز عشا راقى وهادى ممكن تدخل مطعم "ستيك هاوس" بيقدم جو شيك، ولو حجزت فيه بدرى هتقدر تقعد فى البالكونة من برة اللى بتطل على الميدان وبيبقا المنظر حلو قدامك .
ولوعاوز أكل غريب شوية يبقا مطعم "fusion" بيقدم مجموعة أطباق من الشرق الأوسط وأوروبا، وفيه بردوة المطعم الصينى "زين" والمطعم الهندى "بومباى " وكل أصطاف المطعم هناك هنود، فيه كمان مطاعم كتير بتقدم أكل مصرى واسماك واكل لبنانى وغيرها .
بس لازم تعرف ان فى الميدان الصبح مش بيبقا فيه حياة ، وبيكون شغال عددبسيط جدا من الكافيهات والبارات والمحلات،
مع بداية غروب الشمس تبدأ تروح لغاية الساعة 1 صباحا ، وفيه بارات بتقعد بعد الساعة 1.
"السوهو سكوير " بيحكى أجواء لندن المبهرة ، هو جنة معاصرة وتصميمه رائع جدا ، واختياراته فى كل شئ متميزة.. لو رايح شرم الشيخ لازم تروح هناك :)
