برامج للموبيل.. تحفظلك البيانات وتمسكلك الحرامي
الموبيل هو حياتنا الصغيرة اللي عليها كل ذكرياتنا من صور وفيديوهات ورسايل وأرقام، ولو إتسرق بتبقى كارثة لأننا بجانب إننا بنزعل عليه بنبقى خايفين إن حد يشوف الحاجات اللي عليه.
في الموضوع ده «شبابيك» هيقدم ليك بعض النصايح والبرامج اللي هتخليك مطمن.
نصايح مهمة
كل الصور والفيديوهات اللي على الموبايل أول بأول خلي فيه منها نسخة على الكمبيوتر أو اللاب بتاعك إحتياطي وبرضه عشان لو حصل إنه اتسرق يكون معاك نسخ من حاجتك.
وبرضه أرقامك كلها اللي على الموبيل اكتبها في أجندة عندك وكمان تكون عامل باسورد صعب للموبيل بتاعك بحيث لو إتسرق يبقى صعب على الحرامي إنه يفتحه.
البرامج
- lookout mobile security
ده تطبيق مجاني لأجهزة أبل وسامسونج وأيجهاز بيشتغل بنظام iOS و Android والبرنامج ده بيحفظلك نسخة احتياطية من أرقامك بشكل أوتوماتيكي وبيرجعها ليك لو الموبايل ضاع أو اتكسر وفي حالة إن الموبايل إتسرق بيحددلك مكانه فين بإستخدام خرائط جوجل وبيشغل على طول صوت انذار عالي في موبيلك حتى لو كان في وضع صامت.
حمل البرنامج من هنا
- cm security
برنامج cm security إتعمل مخصوص عشان يحمي أجهزة «الأندرويد»، و«الجالكسي»، و«الأيفون»، من الفيروسات والبرامج الضارة وملفات التجسس اللي بتجيبلك من الإنترنت، والبرنامج ده بيحمي جهازك من «الهاكرز» اللي ممكن يوصلوا لبياناتك الخاصة وكمان في حالة إن موبايلك إتسرق بيصور الشخص اللي سرق موبايلك.
وبيبعت صورته على «الإيميل» بتاعك وكمان بيحدد ليك مكان الحرامي فين وتقدر إنك تخليه ميقدرش يفتح موبيلك وفي نفس الوقت تقدر إنك تشغل «سارينة» في موبيلك تخلي الحرامي متلهوج ومش عارف يعمل إيه و«السارينة» دي مش هتوقف خالص ولو شال البطارية ورجعها برده هتشتغل السارينة.
حمل البرنامج من هنا
- BullGaurd Mobile Security 10
أما البرنامج ده فتقدر لو جهازك إتسرق إنك تدخل على حسابك اللي هتعمله في البرنامج ده وتمسح كل حاجة على موبايلك وتقفله. إدخل من هنا عشان تسجل بياناتك في البرنامج.
- Gadgettrak
البرنامج ده خاص بأجهزة «أبل» وبيوفر ليهم ميزة إن لو الموبايل إتسرق يقدروا يعرفوا مكانه وكمان البرنامج بيقدر ياخد صورة للي سرقه. حمل البرنامج من هنا
