رئيس التحرير أحمد متولي
 شعوب اختارت العزلة وتخلفت عن الحضارة.. (الكازاخ)

شعوب اختارت العزلة وتخلفت عن الحضارة.. (الكازاخ)

اتكلمنا في الحلقة اللي فاتت عن طائفة "الأميش" أحد الشعوب اللي عايشة معانا في نفس الكوكب لكنها قررت تنفصل عن العالم وتعيش حياة تانية خالص ويكون عندها أسلوبها في العيشة، وفيه شعوب زيها كتير على الكوكب برضه.

والنهارده "شبابيك" هيعرفك من خلال سلسلة (شعوب اختارت العزلة وتخلفت عن الحضارة) على قبيلة "الكازاخ" اللي اختارت أسلوب تاني في الحياة.

آخر السلالة

شعب "الكازاخ"، الاسم معناه حر أو مستقل، بيعتبر آخر السلالة المنغولية في منطقته، لكن التاريخ بيقول إنهم أتراك هاجروا لوسط شمال آسيا وموجودين في كازخستان والصين وروسيا وأوزبكستان.

هو شعب مسلم الديانة من وقت وصول الجيوش الإسلامية هناك في القرن التاني الهجري،  ومعروف إن عيشتهم ما بين الجبال منعت الحملات المغولية من الوصول ليهم والقضاء عليهم زي ما حصل مع بقية الشعوب الإسلامية في المكان، وبيغلب على الكازاخيين الطابع المنغولي في الأكل وأسلوب الحياة.

ASTANA, KAZAKHSTAN - NOVEMBER 30:  30 November 2013 dated photograph shows hunters with their eagles during a festival of Berkutchi in Astana, hunting with eagles, a type of falconry dealed in Central Asia which is mainly the training of a young eagle. The eagles are made hunt the cup and the rabbits during the festival. (Photo by Selcuk Uysal/Anadolu Agency/Getty Images)

المؤامرة

حاول الاتحاد السوفيتي إنه يقضي على طبيعة القبائل دي وديانتها الإسلامية، وعين مشايخ لتعليمهم مبادئ الدين وبعت شبابهم للدراسة في مدارس الاتحاد، لكن كشفوا المؤامرة وتراجعت قيادتهم عن التعاون مع السوفيت واحتفظوا من يومها باسلوب حياتهم وبإسلامهم رغم وجود ‏120‏ قومية، ووجود ‏46‏ طائفة دينية بالبلاد.

Kazakh2

مجمل حياتهم بتقوم على اصطياد وتربية النسور اللي ورثوها من سنة 940 قبل الميلاد، ويزرعوا للأكل والشرب بس، وباقي حياتهم بتدور حولين مسابقة النسور الذهبية السنوية، وهي عبارة عن تجمع لأكبر محبي النسور وبتضم جنبها مسابقات للخيل والرماية.

في المسابقة بيتم تحرير كل نسر من قمة الجبل، وتتسابق النسور لجمع اللحوم المربوطة على ظهر حصان بيجري بيكون تابع برضو لصاحب النسر، وبيتواصل النسر ومالكه عن طريق الصراخ بالصوت، واللي بيوصل لقطع اللحم الأول بيبقي هو الكسبان.

kazakh-eagle-hunters-china

"الأصابع الخمسة"

ومن تقاليد الكازاخ عند الضيافة تقديم طبق بيسموه "الأصابع الخمسة"، هو مش أكل صوابع لكن سموه كده لأنه بيتاكل بالصوابع.

الزواج

أما بالنسبة للزواج، ممنوع ارتباط أى اتنين من نفس القبيلة ولازم يعدي سبع أجيال على علاقة القرابة بينهم عشان الزواج يتم، ولازم يكون المسافة بين العروسين 7 أنهار، والغريب إن العريس بيقدم مهرين للعروسة وأمها بيسموه أجرة رضاعة.

المهر ده بقي بيبقى 77 حصان للأغنياء و47 حصان للأسر المتوسطة و17 للفقراء، وبياخد العريس المهر ويروح عند أهل العروسة بس لازم يقف بعيد عن البيت ويستنى لحد أما يطلع أهله وصديقاتها من جوه، يا إما يحتفلوا بيه أو ياخد حاجته ويمشي .

kazakhs-western-mongolia_59098_990x742

14

163938-004-46EBB5EE

دي قصة ناس عايشة معانا على الكوكب لكن بأسلوب تاني خالص بعيدا عن التكنولوجيا والعربيات واللابتوب والتلفزيون والموبايل، ومستمتعين بكده حتى محتفظين بنفس استايل حياتهم بكل تفاصيله وما فكروش يغيروه ويدخلو العالم الكبير المعقد اللي بنعيش فيه.

استنونا في حلقة جديدة من شعوب اختارت العزلة

اقرأ أيضا:

شعوب اختارت العزلة وتخلفت عن الحضارة.. (الأميش)

محمد أبو عقيل

محمد أبو عقيل

صحفي مصري يكتب في الملف الثقافي والرياضة