رغدة جلال الدين تكتب: إزاي تبين حبك ليها؟
كل يوم حبك بيزيد ليها صح؟
أه صح
نفسك تكون مراتك في يوم من الأيام؟ نفسي طبعاً
طب ليه مش عايز تصارحها بحبك ؟ محرج طب لو راحت لحد تاني هتعمل ايه؟
قضاء ربنا وقدره
بس انت كدة تبقى سلبي؟
لأ مش سلبي هى مش من نصيبي بقولك.
هو انت حاولت تكلمها أصلاً عشان تقول انها مش من نصيبك.
هو انتي نايمة على روحك ما انا قولتلك في أول الحوار اني محرج فإزاي هحاول أكلمها.
طب يا سيدي تسمحلي أقولك ازاي تبينلها حبك ده؟
اتفضلي يا ستي قولي بس في الإنجاز
بص لو بينكوا أصحاب مشتركة في أي خروجة ليهم معاها اخرج معاهم واتكلم متعدش ساكت مش معنى كدة إنك تكون رغاي، لأ أبداً لو جت فرصة إنك تتكلم اتكلم ولو هى اتكلمت معاك متعملش فيها ولد تنك ومغرورن لأن ده هيخليها تضايق منك، وكمان لبسك خليه يكون شيك وجذاب مش مبهدل لأن ديه نقطة من النقط اللي بتجذب البنت للولد و الخروجة ديه هتفتح مساحة بينك وبينها انكوا تتكلموا ومادام اتكلمتوا يبقى سهل مع الوقت إنك تصارحها بحبك.
تمام بس أنا معنديش أصحاب مشتركة بيني وبينها أعمل ايه ؟
يبقى تدور على الحاجات اللي بتحبها و تروح الأماكن اللي بتروحها بحيث تكون معاها في نفس المكان اللي هي فيه وفي نفس الحاجة اللي هى بتحبها وده هيخليكوا تكونوا مع بعض طول الوقت فأكيد هتيجي فرص كتير انكوا تتكلموا سوا.
طب هو مفيش طريقة تانية أصلي مليش تقل على جوا الأنشطة ده؟
روحلها قولها إنك معجب بيها ونفسك إنها تكون من نصيبك وإنك هتسعدها مش يمكن هى تكون بتحبك بس مستنية إنك تيجي وتقولها، فخليك جرىء ودافع عن حبك وقولها وسيبها تفكر وطبعاً قبل ما تروح فكر إن الكلام اللي هتقوله ده مش هيبقى فيه رجعة يعني خليك قد كلامك واتجوزها متسبهاش في نص الطريق. خلاص يا ستي هقولها كدة أقدر أسيبك وأنا مطمنة ربنا ينولهالك :)
