طريقة عمل «التيراميسو » بالنسكافيه

كتير بتكوني نفسك تاكلي حاجة حلوة وتكون من عمايل ايديكي  بس بتكسلي تدوري وتوقفي في المطبخ بس النهاردة عايزاكي متكسليش عشان جايبالك وصفة حاجة حلوة هتاكلي صوابعك وراها :)

في كتير مننا سمع  عن حلوى "التيراميسو" لكن متعرفش إزاي تعملها ده لو كانت كلتها أصلا.. عشان تعملي "التيراميسو" الأمر بسيط جدا:

الحاجات اللي هتجبيها

- حليب مكسف.. يُفضل ماركة بوني

- علبة قشطة.. يُفضل ماركة بوني برضو

- كيس كريم شانتيه

- بسكويت ماري

الطريقة

1- هتحطي الحليب المكسف  والقشطة الأصلية  والكريم شانتيه في الكبة عشان يتخلطوا مع بعض.

2- وعدين هتملى كوباية مايه وتحطي عليها معلقة نسكافيه وبالمعلقة تقلبي المايه بالنسكافيه.

3-  بعد كده هترصي بسكوتة بسكوتة في قعر طبق كبير غويط

4 - وبعد  رصة البسكويت هتحطي معلقة كبيرة من الخلطة اللي عملتيها في الكبة فوق البسكوت.

وهكذا بلي بسكويت تاني وحطي خلطة من اللي في الكبة فوق البسكويت، وبعد كده رشي على الوش نسكافيه وحطي الطبق في التلاجة لغاية ما المكونات تمسك نفسها وبالهنا والشفا :)