شاهد.. عروسة بفستان فرح «أسود»
عمرنا في حياتنا ماتخيلنا فستان الفرح بلون تاني غير اللون الأبيض لأن ببساطة ديه مسألة معروفة فستان +فرح = أبيض. بس فيه عروسة قررت تكسر التقاليد المعروفة عند الناس وتلبس في فرحها التاني فستان أسود.
مش مصدقين طيب تعالوا نحكي ليكوا الحكاية مترجمة من على موقع «Bored panda»
الحكاية
أم أسترالية اسمها صوفيا كاشيا «Sophie Cachia» قررت إنها تلبس في فرحها التاني فستان أسود وده عشان تكسر التقاليد المعروفة اللي فيها العروسة دايمًا بتلبس فستان أبيض.
وبجانب كسر التقاليد بتقول صوفيا إن عمرها كمان ماشافت نفسها لابسة فستان أبيض، وعشان كده رفضت تلبس فستان أبيض في فرحها وقررت تلبس الفستان الأسود.
ومش بس كدة دي لبست كمان وصيفاتها أسود
وصوفيا بتشوف الأسود «إنه بيناسب كل الناس وإنه لون كلاسيك وجريء»
وبتقول «إن جوزها كان إقترح عليها إنها تلبس أسود في خطوبتهم»
«وكمان هما الإتنين مبيحبوش الشيء التقليدي»
وعن كلام الناس بتقول «صوفيا إن لو كنت فكرت في كلامهم مكنتش هاخد خطوة زي ديه»
ديه صورتها مع إبنها من زوجها السابق
«ومهمهاش أراء الناس وكان همها هى وزوجها بس يعملوا اللي حبينوا الغير تقليدي»
تصميم الفستان شوفوا بقى فيديو الفرح :)
