رجع نشاطك من تاني.. 4 طرق تتغلب بيها على ضغط الشغل

كتير بنحس بضغط الشغل وبنكون مش عارفين إزاي نتغلب عليه ويرجع لينا نشاطنا من تاني.

ولو بتحس بضغط الشغل عليك هنقولك في الموضوع ده واللي نقلناه من موقع «Life hack» على طرق تتغلب بيها على المشكلة دي.

رياضة وقت الغدا

بعد لما إتغديت في الشغل ولقيت لسة متبقى معاك وقت، حاول تنزل تتمشى في أي مكان تحت الشغل منها بتعمل رياضة وبتحرك جسمك شوية ومنها بتخلي مادة الأندروفين تنتشر في جسمك عن طريق الحركة بتاعتك والمادة ديه بتخليك مبسوط ومش حاسس بإجهاد.

 إتغدا برا

إتغدا برا في أي مكان مش لازم تاكل في الشغل أو تبعت تجيب أكل وده لأن الخروج هيقلل توترك وهيخليك تغير جو، ومودك هيتحسن ولما ترجع هتلاقي عندك نشاط إنك تكمل شغلك.

جدول لشغلك

اعمل جدول يوم بيومه أو أسبوع بأسبوع باللي هتعمله في يوم شغلك وده مهم جدًا عشان ترتب هتمشي يومك وتقسم وقتك إزاي وده طبعًا مش هيخليك تحس إن شغلك متراكم وإنك مضغوط عشان عايز تخلصه.

خدلك بريك بانتظام

لازم تظبط نفسك على إنك تاخد بريكاتك بانتظام في الشغل لأن فواصل البريك ديه بتساعد على إنها تريح عقلك وتجدد إبداعك وتقلل إجهادك. فمثلًا ممكن تنزل تشرب قهوة في أي مكان أو تعمل أي حاجة انت حاببها.

⇓⇓الزتونة في الإنفوجراف⇓⇓

⇓⇓نرشح لك⇓⇓