رئيس التحرير أحمد متولي
 إزاي تبعد عنك الطاقة السلبية؟ (انفوجراف)

إزاي تبعد عنك الطاقة السلبية؟ (انفوجراف)

لو حاسس إنك عندك طاقة سلبية مخلياك مش عارف تستمتع بحياتك. في الموضوع ده هنقولك إزاي تبعدها عنك وتعيش عيشة فل :)

اخلق السعادة

متستناش إن السعادة تجيلك، إسعد إنت نفسك بنفسك.. جبلك شيكولاتة. إخرج خروجة مطرقعة.. إعمل أي حاجة تخليك مبسوط.

فكر بإيجابية

متركزش على السلبيات وفكر بإيجابية يعني مثلًا لو كنت قدمت على شغل واترفضت في الإنترفيو متبصش على ده إنك فاشل لأ بص على إنك كسرت رهبة الإنترفيو.

ابعد عن الناس السلبية

إبعد عن حياتك أي حد سلبي بيقفلك بكلامه وبيخليك مش طايق نفسك وقرب منك المتفائلين اللي هيمدوك بطاقة إيجابية تخليك تعيش حياة سعيدة.

استمتع بالطبيعة

روح أي مكان فيه براح وخضرة لأن الطبيعة ليها دور قوي إنها تجدد روحك وتمدك بطاقة إيجابية وتسحب منك أي طاقة سلبية.

سيطر على أي فكرة سلبية

أي فكرة سلبية تيجي على بالك حاول تسيطر عليها بإنك تقوم تعمل أي حاجة تنشغل بيها.لأنك لو سبت نفسك ليها هتجرك لأفكار سلبية تانية كتير.وحاول كمان إنك تروح تعمل جلسة تأمل في أي مكان عشان تعرف إزاي يكون ذهنك صافي خالي من الأفكار السلبية.

خليك مؤمن إن فيه حل

متسودش الحياة في وشك خليك مؤمن إن فيه حل دايمًا لأي مشكلة بتتعرض ليها خليك مؤمن إن فيه أمل.

طاقة سلبية (1)

المصدر  مترجم من موقع Life hack 

إخترنا لك المراجعة

كيف-تتخلص-من-عادات  

رغدة جلال الدين

رغدة جلال الدين

صحفية مصرية تكتب في المجال الفني، إلى جانب كونها ممثلة ومغنية بفرقة «بهججة»