عايزة إكسسوارت حلوة؟.. شوفي الـ5 صفحات دول
نفسك تجيبي إكسسوارت تحسسك بالانبساط وانتي لابساها :) ، في الموضوع ده نقينا ليكي 5 صفحات على «الفيس بوك» بيقدموا إكسسوارات نقدر نقول عليها تحف فنية بأسعار على قد الإيد.
صفحة أورفليس بتتميز إن إكسسواراتها غالب عليها الطابع الكلاسيكي الرقيق سواء في السلاسل أو الخواتم أو الأنسيالات. والورود والزخارف بتشكل جزء من بهجة الإكسسوارات دي. وأسعار الحاجة كلها أسعار كويسة جدًا.
قصاد جمال الحاجة اللي بتقدمها الصفحة يعني السلسة اللي في الصورة ديه بـ40 جنيه والأنسيال بـ45 جنيه. ولما تتفرجوا على الحاجة هتلاقوا أسعار كتيرة مناسبة.
لمزيد من صور الاكسسوارات الخاصة بأورفليس اضغط هنا
أما بقى صفحة أوديسا فمنها ممكن تعملي أي حاجة على حسب طلبك يعني لو عايزة تعملي سلسلة عليها صورة ليكي أو مع حد أو لفنان بتحبيه بتطلبي منهم وبيعملوها ليكي وكمان عاملين حاجة حلوة قوي لو في تاريخ معين حصل فيه حاجة حلو بالنسبة ليكي بيعملوا ليكي ميدالية على شكل نتيجة بالتاريخ اللي إنتي عايزاه.
وبتختاري كمان الماتريال اللي عايزة تعملي بيه الحاجة سواء نحاس مطلي فضة عيار 925 أو نحاس مطلي دهب عيار 21 أو نحاس مطلي بلاتين وبيكون سعر السلسة أو الدلاية 165 جنيه.
وممكن كمان تختاري إن الماتريال تكون فضة وده بيكون ليها سعر مختلف بتتفقي معاهم عليه. وكمان فيه تشكيلة من السلاسل بأسعار كويسة خودوا جولة في الصفحة وإتفرجوا عليها.
كاريزما صفحة كل حاجة فيها بتدل على ذوق عظيم ومختلف عن المعتاد في نفس الوقت والأسعار فيها خرافة يعني الخواتم مثلًا اللي شايفنها في الصورة ديه ب 15 جنيه والسلسة اللي تحت الخواتم ب 70 جنيه.
وكمان ميداليات كاريزما مش زي أي ميدالية فهتلاقي ميداليات على شكل كتاب بتحبيه ب30 جنيه وهتلاقي ميدالية على شكل شيكولاتة وحاجات تانية كتيرة هتشوفيها جوا الصفحة.
لو نفسك تجيبي طقم حلق وكردان كدة فيهم روح الصعيد في الصفحة دي هتلاقي سلاسل شبه الحاجات اللي نفسك فيها وأسعارها بتبدأ من 45 جنيه لي 75. وكمان هتلاقي نضارات شكلها شيك جدًا.
لو نفسك تجيبي طقم حلق وكردان كدة فيهم روح الصعيد في الصفحة ديه هتلاقي سلاسل شبه الحاجات اللي نفسك فيها وأسعارها بتبدأ من 45 جنيه لحد 75 ج. وكمان هتلاقي نضارات شكلها شيك جدًا.
أما الصفحة دي فكل شغلها هاند ميد سواء شنط أو سلاسل أو الأنسيالات وغالب على الشغل الطابع البدوي وألوان الخامات مبهجة جدًا العين تلمع لما تشوفها وأسعار الحاجة مناسبة قصاد كونها صناعة يدوية يعني السلسلة اللي تحت دي ب 100 جنيه والأنسيال بـ 75 جنيه.
⇓ نرشح لك ⇓
