طريقتين.. احمي بيهم جهازك من الأفلام الإباحية
أيا كانت أسبابك إنك تتفرج على أفلام وفيديوهات ومواقع إباحية فـ أسبابك خاصة بيك، ولكن لو قررت إنك تمنع نفسك إنك تشوفها أو حتى على الأقل تقلل مشاهدتها هنساعدك تعمل ده.
أما لو أنت مش بتابع أفلام إباحية وبتتحط أحيانا في موقف محرج لما تكون بتقلب بين المواقع واتفتح أو ظهرلك وحد جنبك إعلان لفيلم أو موقع إباحي.. هنعرفك برضو ازاي تمنع المواد دي من الظهور عندك.
اقرأ أيضا ⇐ الأفلام الإباحية.. «عشان رجلك متجيش في الخيه»
1) weep blocker:
برنامج بتدخل عليه؛ عن طريقه ممكن تمنع ظهور أي حاجة ليها علاقة بالسكة "الإباحية" ليه طريقتين ممكن تستخدمهم:
- الأولى عبارة عن قائمة أول ما تفتح البرنامج بتكتب فيها الأفلام والمواقع الإباحية، وكل يوم بيتعمل update ليها.. أنت بكده بتلغي على طول أي حاجة قديمة كنت بتتفرج عليها أو جديدة لسه مشفتهاش.
- التانية انك تحط كل الكلمات المفتاحية المتعلقة بالمجال ده وبتتقفل أى صفحة فيها كلمة من الكلمات ديه حتي لو مش متعلقة بيها صفحة بصفحة مش موقع بس؛ يعني لو فتحت صفحة عن الرياضة وظهرلك إعلان غلط البرنامج ده مش هيدخلك على الصفحة ديه لأن محتواها فيه الكلمات إللي انت حطتها.
مشكلة "الويب بلوكر" إن الموقع بالإنجليزي ومفهوش ولا كلمة عربي يعني لو حد ثقافته بعافية شوية ممكن يستخدم جوجل ترجمة تسهل عليه الموضوع، و كمان استخدام البرنامج ممكن يبطىء التصفح بشكل عام.
2) P E C" proxy automatic confederation"
ملف بيكون موجود فى الجهاز عندك بيبحث فى URL - يعني كل عنوانين- الصفحات والمواقع والفيديوهات إللي ممكن تتفتح أول ما تشغل الانترنت، مساحته مش أكتر من 3:4 KP ، مميزاته سريع جدا، ولو أي حد استخدم الجهاز وكتب أي عنوان أو كلمة خاصة بالمواد الإباحية هيوديه على صفحة فاضيه على طول.
