وحوي يا وحوي.. زيني بيتك في رمضان على قد الإيد
زينة رمضان هي الحاجة المبهجة اللي بتحسسنا بجو الشهر الكريم في البيت. وفي الموضوع ده هنقولك على صفحات وأماكن بتبيع الزينة بأسعار حلوة.
الصفحة دي عاملة عروض حلوة لرمضان الخمس حاجات في العرض ب100 جنيه. العرض الأول فيه مفرش تربيزة أنتريه أو صالون أو مكتب، وعلبة مناديل، وباسكت، وفرع زينة 3 متر، وعليقة هلال أو نجمة «حجم كبير».
اقرأ أيضا: حصر بأكثر من 30 مسلسلا للعرض في رمضان
العرض التاني فيه مفرش تربيزة أنتريه أو صالون أو مكتب، وعلبة مناديل، وعياشة، وفرع زينة 3 متر، وعليقة هلال أو نجمة «حجم كبير». وفيه أسعار تانية مناسبة ومعقولة.
يعني الصورة اللي تحت دي بوجي فيها سعره 50 جنيها، بدل من 75 جنيها وفرع زينة 4 متر بـ15 جنيها بدل من 20 جنيها و2 خدادية خيامية فايبر بـ50 جنيها بدل من 65 جنيها.
وفيه 3 قطع منفصلة كبيرة نجمة وهلال وفانوس بـ50 جنيها بدل من 60 جنيها وعليهم واحدة هدية. أما الفانوس اللي في الصورة اللي تحت ده فسعره 45 جنيها.
اقرأ أيضا: تعرّف على خريطة البرامج الدينية في رمضان 2016
جروب رمضانيات فيه حاجات كتيرة من صواني عليها نقشات خيامية رمضانية لقماش خيامية ومفارش عليها رسومات على شكل أشخاص كنا بنحب نشوفها في رمضان زي فؤاد المهندس، وفوانيس وحاجات تانية كتير والأسعار كلها مناسبة يعني المفرش اللي شايفينوا في الصورة بـ50 جنيها.
اقرأ أيضا: هذه العادات تضيع صيامك في رمضان.. تخلص منها
لو عايز تعمل ركن من شخصيات رمضان اللي بتحبها هتلاقيها في الصفحة وسعر الواحدة 25 جنيها ولو محشية فيبر 30 جنيها وكمان فيه حاجات تانية كتير.
أما بقى لو عايزة تزيني أوضتك بحاجات رمضان ففي مخدات بأشكال رمضانية مختلفة سعر الواحدة منها 50 جنيها.
والصفحة كمان مش بس بتقدم زينة رمضان في البيت لأ ده كمان بتقدم ميدالية رمضانية بأشكال مختلفة وألوان مبهجة بـ 20 جنيها. وكمان سجادة خفيفة لصلاة التراويح في رمضان بالكيس بتاعها مقاس 50سم×105سم بـ 25 جنيها.
منطقة الخيامية
أما بقى لو مش عايز تجيب أونلاين وعايز تنزل تنقي وتشتري فمنطقة الخيامية من المناطق اللي مليانة كل اللي هتحتاجه عشان تزين بيتك بأسعار على قد الإيد يعني مثلًا الفانوس بـ 35 جنيها والهلال بـ 10 جنيه وفرع الزينة المتر بـ 5 جنيه.
العنوان: هتروحي الحسين وبعد كدة تدخلي شارع الغورية وتمشي في أخره هتلاقي منطقة الخيامية. ورمضان كريم :) .
⇓نرشح لك⇓
