رئيس لجنة امتحانات يعتدي على طالبة بـ«تجارة الإسكندرية»
اتهمت الطالبة بالفرقة الثانية كلية التجارة جامعة الإسكندرية، مي عبد الغني، رئيس لجنة امتحان مادة الرياضة المالية «تخلف» بالإعتداء عليها داخل اللجنة أمام زملائها.
وقالت إنها منذ بدء الوقت انشغلت في الإجابة على اسئلة الامتحان لوم تلتفت لأي أحد باللجنة، لكنها تفاجأت برئيس اللجنة يرفع صوته على الطالبة التي تجلس خلفها لانها كانت تنظر في ورقة الإجابة الخاصة بـ«مي».
وأضافت «كانت اللي ورايا بتغش مني وأنا مش واخدة بالي، جه رئيس اللجنة زعقلها وقالها تمشي من المكان مرضيتش تمشي، كل ده وأنا مش واخدة بالي أصلا وبحل ومركزة، ولقيت فجأة رئيس اللجنة بيسحب مني الورقة وبيشدني من دراعي، وقاللي غوري يلا اطلعي قدام».
مراقب يعتدى بالضرب على طالب بـ«تربية طنطا» داخل لجنة الامتحانات
واستكملت «قلتله أنا معملتش حاجة، فشد ورقتي بالعافية وقالي يلا اطلعي برة كفاية عليكي كتابة في الورقة كده، رغم إن الوقت كان لسه مخلصش ويشهد ربنا إني مغشتش ولا بصيت جنبي ولا ورايا ولا لأي حد».وأوضحت «صممت آخد ورقتي، فمد إيده عليا ولوالي دراعي، قدام كل الناس، والطالبة كلهم شهدوا إني فعلا ماتكلمتش، والمراقبين بعد ما كانوا متضامنين معايا كلهم بقوا بيزعقولي عشان هو الريس بتاعهم، طلعت برة لرئيس الكنترول، وقولتله المراقب مد إيده عليا، قاللي متخافيش مش هيعملك محضر، روحت بعدها قلت للمراقب مش فارق معايا محاضر، بس احلف بالله وقول كلمة ربنا يشهد عليك فيها أنا اتكلمت أو غشيت، فسكت ومردش».
وأكدت لـ«شبابيك» أنها قدمت شكوى لعميد الكلية، الدكتور سمير كامل محمد عيسى، روت فيه ماحدث بالتفصيل، حتى تسير الواقعة في إجراءاتها القانونية.
