للمبتدئين.. مواقع هتعلمك الرسم والتلوين
الرسم من الفنون الراقية، اللي بتزيد قدرتك على الإبداع والتفكير بره الصندوق، ده غير إنه فن بيحارب كتير من الأمراض النفسية اللي بنواجهها في حياتنا زي الاكتئاب والقلق.
لو نفسك تبقى رسام وعايز تتعلم الرسم والتلوين بس مش عارف إزاي في الموضوع ده هنقولك على مواقع تعلمك. :)
الموقع ده بيستخدمه ألاف الأفراد في المدارس والكليات والجامعات في جميع أنحاء العالم لأنهم لقوا فيه إنه بيعلم الرسم على أصوله، وكمان بيعلمك مهارات الملاحظة اللي لازم تاخد بالك منها وإنت بترسم وكمان إزاي تبدع في الرسمة.
الموقع ده بقى بيعلمك أساسيات الرسم زي إنوا بيديك تعليمات في إزاي تظلل وفي إنك إزاي تتعلم ترسم وش وجسم الأشخاص وكمان إزاي ترسم صورة كاريكاتورية وكل ده عشان تبقى رسام محترف.
مصطفى سعدي كان عنده موهبة الرسم من وهو صغير وبدأ يطورها لغاية ما بقى بيرسم بمستوى إحترافي وقرر إنه يشارك بكل اللي اتعلمه في الرسم وأسراره وعمل موقع مخصوص لتعليم الرسم من A To Z.
فن الرسم يعتمد علي دراسة الألوان وتكويناتها والتأثيرات المختلفة للألوان داخل الرسومات الفنية وفي الموقع ده هتتعلم كل حاجة عن الألوان المائية و درجات الألوان المختلفة.
وإزاي تدمج الألوان بطريقة صح عشان يطلعلك اللون اللي إنت عايزه بالظبط. وبيشرح الموقع كمان أنواع فرش التلوين المختلفة وإزاي تتعامل معاها لما تستخدم الألوان المائية. وبيشرح كمان أهمية معرفة حدود العين في الرؤية وتأثيرات الضوء والظل علي الألوان.
