راتشاساب نافي.. تعرّف على أغرب لغات في العالم
العالم مليان حاجات الغريبة ومن الغرايب دي مجموعة لغات ودنك مش واخدة على سماعها نوهائي D: تعالوا أعرفكوا عليها.
نافي أو Na’vi
أستاذ علم التواصل الدكتور بول فرومر اخترع اللغة دي مخصوص عشان تتكلم بيها المخلوقات في فيلم أفاتار وده بناءً على طلب المخرج جيمس كاميرون واللغة دي بتتكون من حوالي ألف كلمة.
راتشاساب أو Rachasap
لما حد يحب يكلم ملك تايلاند، أو وسائل الإعلام التايلاندية تقول أخبار عن الملك أو عيلته بيستخدموا اللغة ديه. وراتشاساب معناها اللغة الملكية اللي خاصة بالكلام مع ملك تايلاند فقط لاغير.
تويوكا أو Tuyuca
أصعب لغة في العالم بتحتوي على 140 صفة تعريفية غير المؤنث والمذكر.
اللغة دي بيتكلمها مجموعة من القبائل العرقية. عددهم ما بين 500 إلى 1000 شخص من سكان كولومبيا ومنطقة الأمازون بالبرازيل.
لينكوس أو Lincos
هى لغة خاصة بالتواصل الكوني بيستخدمها العلماء واللي إخترعها وعمل كتاب بإسمها العالم هانز فرودينتال وده كان سنة 1960 وبيقول هانز أن اللغة ديه من السهل فهمها.
