عايز تبقى عازف محترف.. 5 أماكن تعلمك
لو نفسك من زمان تعزف على آلة موسيقية معينة بس مش عارف إيه الأماكن اللي ممكن تروحها وتتعلم فيها. في الموضوع ده هنقولك
الأوبرا
الأوبرا في مقدمة الإقتراحات اللي ممكن تروحها عشان تتعلم فيها الآلة اللي عايز تعزف عليها سواء بيانو أو جيتار أو كمان أو تشيللو أو كونترباص وده على إيد ناس متخصصة جدًا وتكلفة الحصة بتختلف على حسب نوع الآلة الموسيقى.
يعني فيه حصة بتكون بـ30 جنيه وفيه أزيد. وبجانب العزف لو عايز تتدرب على الغنا بيدربك كويس جدًا. وعشان تعرف أكتر إتصل على رقم 0227390114.
سوناتا
بيعلمك لغاية ما تبقى عازف محترف في الآلة اللي هتختارها سواء هتتعلم عزف على الجيتار الكلاسيكي، الإلكتريك، الاورينتال، الفلامنكو، أو البيانو الكلاسيكي والجاز، أو العود. وكمان بيدرب على الغنا والرسم سواء بالقلم الرصاص أو الزيت.
وتعليم العزف على الآلة الدورة فيه بتكون 4 مرات في الشهر الواحد وسعرها 300 جنيه. وعشان تعرف تفاصل أكتر روحلهم في شارع 9 بالمعادي أو إتصل على 01220862451 / 01000933945.
ساقية الصاوي
مكان كبير بينمي موهبتك الفنية وبيدربها كويس وبيدعمها. تقدر تتعلم فيه العزف على البيانو أو الكمان أو الجيتار. بيعمل كورسات فردية وكورسات جماعية.
ولازم قبل ما تشترك في الورشة إنك تعمل عضوية في الساقية بحيث تستمتع بالأسعار الخاصة لأعضاء الساقية لحضور أي إيفينت فني. أسعار الورش في متناول الإيد يعني مثلًا تعليم الجيتار بـ120 جنيه في الشهر.
وعشان تعرف أكتر إتصل على 0227368881 – 0227366178 – 01000999994 – 01000999995
بيت العود العربي
لو عايز بقى تتعلم آلات شرقية فطبعًا روح بيت العود لأنه من الأماكن المتخصصة في تعليم الألات ديه سواء عود أو ناي أوقانون. وتكلفة تعليم أي ألة بتكون 300 جنيه. عايز تسأل أكتر إتصل 0225104174 أو روح بيت الهراوي ورا جامع الأزهر
المركز الثقافي الروسي
المركز فيه قسم متخصص بيعلم الموسيقى والعزف على الألات الموسيقية المختلفة. وسعر الحصة فيه بيكون حوالي 75 جنيه. مكان المركز في الدقي إنزل محطة مترو الدقي واسأل عليه ولو عايو تستفسر أكتر إتصل على 0237606371.
