اعرفي انتي مين من ماسكِة شنطتك.. أبو صلاح ولا برنسيسة؟
كل بنت ماسكة شنطة ليها طريقة خاصة بيها لشيل شنطتها فى أى مناسبة وفى أى مكان، بس فيه بنات متعرفش إن لكل ماسكة شنطة وقت.
لو متعرفيش طُرق مسكة الشنطة.. أو امتى تمسكي شنطتك "كروس" وامتى تشيلها "باك" وإمتى تخليها على مستوى كتفك أو تمسيكها في أيدك.. أقري اللي جاي:
أبو صلاح
فى بنات كتير بتشيل الشنطة "باك" زى الولاد بالظبط وبتختارها بنفس ألوان وتصميم الشنط الشبابية؛ ممكن ينفع مع البنات ذوات المهن الشاقة مثل المهندسة والصحفية والمصورة.. نصيحة متنسيش إنك بنت فى ألوان شنط ضهر بناتى هتعجبك.
البرنسيسة
بنوتة خارجة باليل مع صحابها أو خطيبها لابسة كلاسيك أو سوارية ممكن تشيل الشنطة أو البرتمونيه فى نص إيديها على الكوع و من الأفضل أن تكون فى إيدك أكسسوار حلو عشان هيكون باين أكتر
الرسمية
أكتر البنات بتحط شنطتها على كتفها وبتكون شبه السيدة الرسمية إللى رايحه الشغل الصبح زى موظفات البنوك والشركات؛ وفى بنات كتير بتمسكها كده لهدف الأمان من السرقة وبتكون مرجعه ايديها لحد ايد الشنطة ومسكاها كويس.. نصيحة استمرى على كده خصوصا فى المواصلات و انتى فى الشارع.
عملية
أغلب البنات فى الجامعات والشغل وهما رايحين الدروس بيشيلو الشنطة "كروس" يعنى على كتفهم.. أخدة شكل X ؛ وديه مميزة لـ هدفين؛ الأول أحسن من مسكة الشنطة على الكتف وتقع لو حد خبط فيكى أو وإنتى راكبة المواصلات؛ والهدف الثانى الأمان برده من الصعب سرقتها.
المستعجلة
ديه البنت إلى دايمًأ متاخرة عن شغلها او درسها او كليتها بتحط كل احتياجتها فى الشنطة وتمسكها بإيدها بسرعة وفى الأغلب بتقرر تمسك شنطتها كده على طول لو حاولت تحطها عل كتفها اكتر من مرة وتقع لأى سبب.
اقرأ أيضا:
