5 طرق مبتكرة لإعداد القطايف في رمضان
كتبت- مي مصطفى:
«مفيش رمضان من غير قطايف».. ده اللي اتعودنا عليه من صغرنا، بس في السنين الأخيرة طرق عمل القطايف بقت فيها «افتكاسات».
في التقرير ده هنعرفك على 5 طرق غير تقليدية لإعداد القطايف، منها الحلو، ومنها الحادق.
1- قطايف بالجبنة والبسطرمة
- المقادير:
نصف كيلو قطايف.
5 مثلثات جبنة مثلثات.
3 ملعقة جبنة قريش.
100 جرام بسطرمه.
زيت نباتي للقلي.
- طريقة التحضير
اهرسي نوعين الجبنة مع بعض في وعاء عميق، بعدين احشى كل واحده قطايف بخليط الجبنة و قطعة بسطرمه. بعد كده اقلى القطايف في الزيت لحد ما يحمر لونها، وارفعيها بعد كده من الزيت وصفيها,
2- قطايف باللحم المفروم
- المقادير
نصف كيلو قطايف
ربع كيلو لحمة مفرومة
زيت نباتي للقلي
- طريقة التحضير:
بتعتمد فكرتها على وضع معلقة من اللحمة المفرومة الجاهزة داخل القطايف وبيتم غلقها بإحكام، بعد كده بتتحط في الزيت.. والقطايف دي طعها زي السمبوسك المقرمش.
3-قطايف بالقشطة
- مقادير القشطة
2 كوب حليب سائل
2 ملعقة كبيرة نشا
سكر حسب الرغبة
170 جرام قشطة، ما يعادل علبة صغيرة
عشان تعملي القشطة، بتخلطي جميع المكونات ما عدا علبة القشطة على البارد بعدها بتتحط في طاسة على النار متوسطة الحرارة مع التحريك الدائم، ولما بيتماسك قوامها هترفعيها من على النار وتسيبيها عشان تبرد شويه، بعدين تحطي القشطة فوقها وتخلطي وبكده تكون جاهزة للحشو.
بعد ما عملتي القشطة، احشى كل قطعة قطايف بملعقة كبيرة من القشطة وبتقفلي من طرف وبتسيبيها مفتوحة من الطرف التاني. بعدين هتزينيها بالفستق الحلبي المطحون او بزهر الليمون حسب الرغبة.
4- قطايف بالآيس كريم:
- المكونات:
قطايف
شربات خفيف
زيت للقلى
أيس كريم فستق
أيس كريم فانيليا
أيس كريم شكولاتة
كوب شكولاتة خام سايحة
كوب شكولاتة قابلة للدهن
نصف كوب فستق مجروش
نصف كوب بندق مجروش
رقائق شكولاتة
- طريقة التحضير:
- إقلى القطايف فى الزيت على النار
- حطي القطايف فى الشربات بعدين صفيها
- خطي الأيس كريم بأنواعه بين طبقات القطايق
- قلبى جوانب القطايف فى الفستق والبندق أو حطيها فى الشكولاتة وقلبيها فى رقائق الشكولاتة
- زينى الوجه برشة فستق مجروش وقدميها
5- قطايف بالنوتيلا
أول من ابتدع وضع الشيكولاتة داخل القطايف كانت فروع محلات "شيكولاتة نوتيلا" والفكرة عجبت ناس كتير، قررت تعملها بنفسها في البيت.. الطريقة بسيطة جدا، كل اللي هتحتاجيه برطمان من سيكولاتة "النوتيلا" وهتحطي معلقة من الشوكلاتة جوه القطايف وهتقفلي من غير ما تحطيها في الزيت، لأنها لو اتحطت على النار الشيكولاتة هتطلع من مسام عجين القطايف.
