«زهقتي من المحشي والطبيخ».. إليكِ طريقة سلطة الفراخ المشوية بالجبنة
كتبت- هديل شعيب:
كل يوم محشى وطبيخ ومكرونة بالبشاميل .. زهقتى من الوقفة طول اليوم لتسبيك الصلصة وتعصيج اللحمة المفرومة وتوطى وتطفى عالبوتاجاز ومابقاش فى أفكار سهلة ومشبعة فى نفس الوقت لأسرتك.
النهارده هنعرفك على وصفة «سلطة الفراخ المشوية بصلصة الجبنة الفيتا» اللي بتقدمها صفحة «أكل أحلى» على موقع «فيس بوك» عشان تغيري فى رمضان وماتزهقيش من الأكل المكرر.
- المقادير:
نصف ملعقة شطة
2 ملعقة مستردة
2 ملعقة دبس رمان
نصف كوب بقدونس
كوب جبنه بارميزان
نصف كوب زيت زيتون
4 ملاعق جبنة فيتا
ملح
فلفل
- طريقة التحضير:
هتخلطي المكونات كويس عشان تعملي صلصة «دريسينج» الجبنة الفيتا عشان تحطيها على السلطة.. وفي طبق مسطح هتخلطي كمية مناسبة من الجرجير والبقدونس والطماطم وفلفل الوان و«الكابرى» وحبات الزيتون، بعدين هتحطي قطع الفراخ المشوية وحبات السمسم وتضيفي عليها صلصة الجبنة.
