«نائم محترف» بين 6 وظائف ستدهشك.. تعرف عليها
العالم مليان بالحاجات الغريبة، ومنها وظايف لما تعرفها هتضحك وهتستغرب، بس بعد ما تقرا تفاصيلها هتكتشف إنها وظيفة زي أي وظيفة في حياتنا.
شم الإبطين
الوظيفة دي أعلنت عنها شركات مستحضرات التجميل وإنتاج مزيلات العرق وهى عبارة عن إن الشخص هيشم إبط الناس عشان يتأكد من جودة مزيل العرق وإن ريحته ثابتة لأطول مدة ممكنة.
مش بس كده، ده هيرصد اللي وصل ليه في تقارير ويبعتها لقسم حفظ جودة الإنتاج عشان يعالجوا أي خلل يحصل في المنتج في وقته. راتب الوظيفة ديه بقى مش بيتعدى الـ35000 دولار في السنة.
نائم محترف
via GIPHY في سنة 2013، فندق فين، في وسط مدينة هلسنكي، في فنلندا، كان بيدور على نائم محترف يجرب ينام في سراير الفندق عشان يعرف إذا كان السرير مريح ولا لأ!
وكان شرط العمل الوحيد إن الشخص يكون قادر على إنه عنده قدرة إنه ينام بعمق بدون قلق. وإنه يكون معاه اللغة الفنلندية والإنجليزية ولو روسي يبقى عال العال.
مراقب تجفيف الدهان
via GIPHY إنك تراقب البياض لغاية ما ينشف دي وظيفة مهمة موجودة في شركة الطلاء الدولية «ديولكس» وعلى الشخص اللي هيشتغلها إنه يراقب بعناية الدهانات كويس قوي ومدى تماسكها و دوامها لغاية ما تنشف.
منظف الأذن
في الهند ممكن تأجر واحد ينضفلك ودانك في أي مكان أنت عايزه وبياخد مبلغ بيبدأ من 25 إلى 100 روبية. والراجل ده بيستخدم قطن الودان وبعض الإبر الحادة عشان تطهر الودن من أي أوساخ.
أكل الحيوانات الأليفة
الوظيفة ديه بقى بتتطب إن الشخص اللي هيقدم عليها يدوق أكل الحيوانات الأليفة عشان يشوف جودته. وشروط الشغل هو إن الشخص يكون قادر إنه يستوعب إنه هياكل أكل القطط والكلاب وتاني حاجة إنو يكون قادر إنه يعلق على جودته بناء على اللي داقه. ووفقًا لموقع SimplyHired.com متوسط راتب الشخص اللي هيدوق الأكل ده حوالي 40000 $.
مجرب العطور via GIPHY
وظيفة الشخص ده إنه يكون عنده حاسة الشم ويجرب أنواع كتير من العطور قبل ما تنزل السوق. ويشوف إذا كنت ريحتها هتكون جميلة ولا لأ. وفي بقى وظيفة تانية معتمدة على حاسة تذوق الشراب ومعرفة نوعه وجودته.
