مترميش على الأرض.. قشر الموز له 8 فوايد

الموز من الفواكه اللي معظمنا بيحبها بس كلنا بنرمي قشره. لكن لو عرفتوا إن ليه فوايد كتيرة هتلموا القشر اللي رمتوه :D . تعالوا بقى أقول ليكوا على فوايده.

صحة البشرة

فرك الوش بقشرة الموز بيخليها رطبة وبيقلل من ظهور التجاعيد وعلامات الشيخوخة. والقشرة فيها خصائص مضادة للبكتيريا بتعالج البثور والبقع والحبوب على الوش.

تسكين الألم

لو حاسس بأي ألم في جسمك إمسك قشرة الموز ولفها على مكان ألمك وسيبها شوية وبعدين هتلاقي الألم راح.

تبييض السنان

عشان تخلي سنانك تلمع ويبقى شكلها حلو استخدم قشرة الموز اللي جوا وافركها على سنانك.

دوس ومتخافش.. الأكل الحراق مفيد لصحتك

تنعيم الشعر

قشر الموز بيساعد على تطويل الشعر وتقويته وتنعيمه وكل اللي عليكي إنك تحطي قشر الموز في الخلاط ومعاه ربع كوباية من زيت الزيتون وبيضة وبعد لما يتضربوا في بعض حطي الخليط ده على شعرك لمدة ربع ساعة وبعدها اغسلي شعرك بالشامبو والبسلم.

اخراج الشوكة

لو أي شوكة دخلت في جلدك امسك حتة صغيرة من قشرة الموز ولف بيها المنطقة اللي فيها الشوكة وهتتشال بيها على طول لإن الأنزيمات اللي موجودة في القشرة هتساعد على إن الشوكة تخرج بسهولة بدون ألم.

تخفيف الصداع

لو عندك صداع إمسك قشرة الموزة ودلك بيها وشك ومنطقة الرقبة وهتلاقي ألم الصداع خف شوية.

تجنب الإحراج.. واتعلم «إتيكيت» الأكل قدام الناس

تلميع الجزم

قشر الموز بيستخدم برضه في تلميع الجزم واللبس الجلد وإكسسوارات الفضة.

علاج انتفاخ العين

لما تحسي إن عينك فيها إنتفاخ أو مجهدة حطي قشرة الموز على المنطقة المحيطة بالعين وسيبيها من 15 لـ20 دقيقة وبعد كدة اغسلي عينيكي بمية باردة وده هيساعد في إن سواد وإنتفاخ العين يروح.

لأن قشر الموز بيحتوي على البوتاسيوم اللي بيساعد على إعادة توازن السوائل لطبيعتها تحت العين وبالتالي التخلص من الإنتفاخ والمظهر المجهد للعيون.

نصيحة: لما تستعملي قشر الموز ارميه متستعملهوش مرة تانية. وتجنبي إنك تخزني قشر الموز في التلاجة والأفضل إنك تخزينيه في مكان بارد وجاف بعيدا عن حرارة الشمس.