«أوامر مكتب السيسي».. زوج ليليان داوود يروي تفاصيل القبض عليها

روى زوج المذيعة ليليان داوود السباق، خالد البري، تفاصيل القبض عليها وترحيلها إلى لبنان، عقب توقيعها على إنهاء التعاقد مع قناة أون تي في، اليوم الإثنين.

وقال «البري» على صفحته بموقع فيس بوك، «من حوالي ساعة ونص شرطة الجوازات رحلت المذيعة ليليان داوود، ليليان مضت النهارده على إنهاء التعاقد مع أون تي في، واللي بموجبه حاصلة على الإقامة، بعدها بنص ساعة بالظبط جم على بيتها، طبعا ليليان من حقها الإقامة قانونا لأنها زوجتي السابقة، يعني كانت متزوجة مصري لمدة 6 سنين وعندها بنت مصرية، لكن حسب ما قالوا الأوامر جاية من مكتب السيسي شخصيا، فاضي الله يعينه».

وأضاف «ادوها بالظبط 5 دقايق ورفضوا تاخد معاها غير محفظتها وكمان رفضوا يخلونا نتصل بمحاميا وبالسفارة بتاعتها، بالصدفة النهارده عيد ميلادي فكنت معدي آخذ بنتي نفطر سوا، وحصل الموضوع كله قدامي، البنت طبعا مرعوبة، إنما هي دلوقتي كويسة وموجودة معايا».

واختتم تدوينته «شكرا يا مصر لحد كده».

وأنهت الإعلامية ليليان داوود تعاقدها مع أون تي في بعد عقد دام 5 سنوات قدمت خلالها برنامج «الصورة الكاملة.