إزاي تخططي ليوم فرحك لو انتي شخصية انطوائية؟
الشخصية الإنطوائية بتكون قافلة على العالم بتاعها ومش بتحتك بحد بس لو فرحها قرب فهنا بتظهر مشكلة كبيرة ألا وهى انها هتضطر تتكلم وتتعامل مع الناس وهتكون محط نظر واهتمام ناس كتير لأنها عروسة وطبعاً ده بالنسبة ليها هيبقى كابوس فظيع وعشان تعدي بسلام من الكابوس ده وفرحك يتم على خير .
«شبابيك» هتقولك على خطوات تعمليها من خلال نصايح قدمتها "جينيفر كهنويلر" دكتورة الدراسات الإنطوائية لموقع Buzzfeed .
مفيش مفر
«اعلمي انكي ستكونين محط أنظار الجميع ولامفر من ذلك» ده اللي قالته جينيفر كهنويلر الحاصلة على الدكتوراه في دراسة وعلاج الأشخاص الانطوائيين، واللي بتنصحك إنك تحاولي تخصصي وقت ليكي تستعيدي راحة بالك المزاجية والنفسية بحيث لما ترجعي تكملي حاجتك تاني تكوني كويسة مش حاسة بضغط.
خطط وأولويات
«الإنطوائيين مخططين طبيعيين».. وده معناه انك زي الشخص الاجتماعي اللي بيتعامل ويحتك بالناس وده هيخليكي تخلصي كل حاجة عايزة تعمليها من تدوير على أماكن لفرحك و الكوافير وغيرها.
«قومي بوضع كل ما يأتي بخاطرك من خطط وأولويات في ورقة وضعي نظام محدد تسيرين عليه».
ردود جاهزة
مع قرب فرحك هتلاقي ناس بتسألك أسئلة كتيرة عن هتروحي كوافير ايه، الفستان هتجبيه منين، شقتك فيها كل حاجة ولا ناقصة وغيرها من الأسئلة المزعجة بالنسبة ليكي ولأن مش هينفع مترديش عشان ميضايقوش فالحل انك تكون محضرة ردود للمواقف دي..
يعني جهزي ردود لكل موقف زي إنك تقولي أن كل حاجة كويسة جداً.. لو قعدتي تقولي نفس الرد ده ليهم في كل مرة هيزهقوا ومش هيسألوا تاني :)
«لتكن ردودك عامة ولا تحرجهم وتكون مختصرة لا يحتاجوا بعدها أن يقوموا بالسؤال مرة ثانية»
تهيئة النفس
على الرغم انك هتكوني مشغولة جداً في يوم فرحك بس ده مينمعش انك تخصصي وقت قبل فرحك بيوم أو يومين تروحي فيهم الجيم وتاخدي درس يوجا بحيث أعصابك تهدى وتتمشي كمان بحيث تجددي نشاطك .
«اذا جعلك هذا في مزاج جيد فأنه كان يستحق أن يأخذ منك وقت»
مساعدة
كونك شخصية انطوائية ده بيخليكي عايزة كل حاجة ماشية بنظام ومش بتطلبي مساعدة من حد عشان ميبوظش ليكي النظام ده بس انتي مش هتقدري تعملي كل حاجة لوحدك وأكيد هتلاقي أصدقاء ليكي حابين يساعدوكي فوافقي وخليهم يساعدوكي.
«اعتبري ترتيب أشيائك مثل مشروع في عملك الكل يشارك فيه ويعطي وقته له ولذا اسمحي لأصدقاءك بأنهم يشاركوكي في هذا المشروع».
