«شاومينج»: هنعدل نتائج طلاب الثانوية من داخل الكنترول
ذكر أدمن صفحة "شاومنيج بيغشش ثانوية عامة" أنه يستطيع تغيير نتائج دفعة 2016-2017، لطلاب الثانوية العامة، مشيرًا إلى أنه سيقوم باستفتاء الطلبة قبل اتخاد هذا الإجراء، مؤكدًا "هنعدل في النتايج من الكنترول".
وقال على صفحته بموقع التواصل الاجتماعي "فيس بوك": "شاومينج يقدر يغير في النتايج من الكنترول ويقدر يرفع درجات أي طالب، علشان اللي بيقول إني مقدرش أعمل حاجه ده أحب اقوله اللي قدر يسرب الامتحانات من قلب الوزاوه قبل الامتحان ب7 ساعات يقدر يغير اي نتيجه ويتحكم فيها من الكنترول ويعمل اللي محدش يتوقعه".
وأضاف: "بس طبعًا أنا مينفعش أعمل حاجة زي ديه إلا بموافقة جميع الطلبة وأخذ آرائهم جميعًا ،عشان كده أنا عامل استفتاء ليكم في البوست ده وتقولوا رأيكم في الكلام ده..وهيكون في بيان هام بالليل بخصوص الموضوع ده بعد معرفه آراء الجميع، ياريت كل واحد شاف البوست يعمل شير ويمنشن لأكبر عدد من أصحابه علشان نعرف رأي الكل ونأخد برأي الكل".
وأعلن أنه بعد استطلاع "جميع أراء الطلبه والاخذ براي الاغلبيه قررنا اننا هنعدل في النتايج من الكنترول وطبعا لان الطلبه كتير جدا ومش هنقدر نغير للكل مره واحده يبقا لازم يبقا فيه نظام.. اللي حابب يرفع الدرجات بتاعته يتواصل معانا علي الرسائل الخاصه بالصفحه وهنفهمه اكتر ازاي هنرفعله الدرجات ونرجو ان اللي عاوز يغير الدرجات فقط هو اللي يتواصل معانا علشان فيه ضغط علي الرسائل ومش هنعرف نرد علي الكل".
وتابع "رفع الدرجات هيكون بمقابل مادي بسيط علشان الكل يبقا عارف قبل ما يتواصل علشان ميقولش اننا بنستغل حد،ده غير ان رفع درجات اي ماده هيكون ليه حد اقصي للرفع".
