السيسي: ربنا بيساعد المصّلح وحقي هاخده (فيديو)
قال الرئيس عبدالفتاح السيسي، إنه لا يستطيع أحد أن يخدع الله قائلا: «ربنا بيساعد المفسد والا الصالح فهو مطلع على مصر وأهلها بيسعوا في الصلاح والبناء والتنمية والتعمير وتغيير الواقع لواقع افضل».
وتابع خلال الندوة التثقيفية للقوات المسلحة: «المكان الذي تجلى ربنا عليه هو مصر فهو شرف، ويقينا أنا مطمن قوي على مصر ومفيش حد يقدر يخدع ربنا، الفترة اللى فاتت كانت المحاولات كبيرة جدا جدا لتشويه مؤسسة الجيش».
وأضاف السيسي: «اللي عمله الجيش في البلد في 10 سنين بفضل ربنا، والمؤسسة العسكرية لما اتفقت معاهم وقالولي تترشح قولتلهم أنا مستعد بس انتوا هتشتغلوا زي ما أنا عايز تحت رجلين المصريين.. مش تعبير سلبي لا يعني هتعملوا كل حاجة لاجل مصر والطبيعي يقولي انت راجل شاطر خليك معانا في الدفاع زي الفل واي حد تاني من الناس اللى موجودين ومصر فيها الخير».
وذكر: «هو ده الجيش لما يبقى مستعد على أنه يقدم على قد فهمه أفضل ما عنده واللي اتعمل من خلال الجيش في مصر فوق الخيال، كنا متاخرين قوي وضيعنا كتير قوي خلال السنين اللى فاتت».
وأقسم السيسي بالله قائلا: «اللى اتعمل فيكي يا مصر ما يتعمل في 20 أو 30 سنة وحقي هاخده عند ربنا الآن الدكتور شاكر مستعد يصدر الكهرباء لاوربا وافريقيا وبنعمل ربط مع عدد من الدول ومستعدين التعامل مع هذا دون التأثير على خططنا».
