5 نصائح هتفيدك في استغلال «Linkedin» صح
كتير مننا فاكرين إن أهمية موقع «Linkedin» راجع لدوره المهم في البحث عن وظائف، بس الواقع بيقول إنك لو قدرت تعرف أسراره هتتعلم وهتزود شبكة علاقاتك الاجتماعية وكمان هتطور من نفسك مش بس إنك تلاقي وظيفة.
وعلشان يكون في فرق بينك وبين أي حد بيستخدمه بشكل تقليدي، «شبابيك» قررت تعرفك على 5 طرق هتقدر من خلالها إنك تستفيد كويس من «Linkedin».
- Groups
مينفعش تكون على «Linkedin» ومبتستفدش كويس من الـ«Groups» اللي عليه، الطريقة دي هتفيدك جدًا في زيادة شبكة العلاقات الشخصية. اقرأ أيضًا⇐5 نصائح للاستفادة من موقع «Linkedin» في التوظيف
كمان وأنت بتبحث جواها هتلاقي لينكات لمصادر مختلفة في كل المجالات، وجوه كل جروب هتلاقي شخصيات في المجالات دي تقدر تستفيد من المقالات اللي بينشروها.
ولو في مجال معين حابب تدرسه بس مش لاقي معلومات كتير عنه على «جوجل»، «Linkedin» بيوفرلك أي معلومات في أي مجال باللغة اللي إنت بتتعامل بيها يعني لو في لغة معينة بتدرسها وعاوز تقوي نفسك فيها غير من «فلتر» البحث بتاع «Groups» اللغات واختار اللي إنت عاوزه.
للدخول: اضغط هنا
- Pulses
الخاصية دي بقى هتقدر تتابع عليها أحسن الشخصيات اللي بتكتب في جميع المجالات وبالتالي تستفيد من مقالاتهم دي.
كل اللي عليك إنك لما تدخل على الـ«Pulses» تضغط عليها علشان تختار المجال اللي حابب تقرأ فيه سواءً كان في «الاقتصاد»، و«التسويق»، و«القيادة»، و«السوشيال ميديا».
ده مثلًا لينك تقدر تتابع عليه أحدث المقالات عن مجال «السوشيال ميديا»، للدخول: اضغط هنا
للدخول لـ«Pulses»:اضغط هنا
- الجامعات
لو إنت عاوز منحة علشان تسافر بره أو حتى عندك شغف علشان تعرف المناهج الدراسية في جامعات العالم تقدر تدخل على اللينك ده: اضغط هنا
هنا هتقدر تختار الجامعة اللي نفسك تدخلها وتدرس فيها بره، ولما تكتب اسمها هتظهرلك الصفحة بتاعتها وجوه تقدر تتواصل مع موظفين، ولو عندك سؤال بخصوص الدراسة هتلاقي ناس بتساعدك سواء من الموظفين اللي من اللي بيحلموا زيك إنهم يدرسوا فيها. اقرأ أيضًا⇐مواقع التواصل الاجتماعي.. بوابتك لوظيفة الأحلام
- net
موقع «Slideshare.net» تقدر من خلاله إنك تدرس محتويات أي مجال سواء في «التصميم»، و«القيادة»، و«المحاماة»، و«المرأة»، و«التكنولوجيا»، و«الطبخ».
الموقع متوفر فيه البحث بالعربي والإنجليزي.
للدخول: اضغط هنا
- online learning
لما تدخل على «Linkedin» هتلاقي في البار اللي تحت السيرش كلمة «interests»، لما تقف عليها هتلاقي قائمة ظهرت آخر حاجة هي الـ «online learning»، لو دوست عليها هيحولك لموقع «ليندا» اللي اشتراه «Linkedin» مؤخرًا علشان الناس اللي عنده تتعلم وتستفيد باشتراك شهري 25 دولار.
هنا هتتعلم من أكبر وأفضل مصدر في جميع مجالات الكورسات الأون لاين، كل اللي عليك إنك تعمل «free trial» وتجرب.
للدخول: اضغط هنا
