«كلبشات لا».. 6 نصائح لو عايز تلعب بوكيمون (كوميكس)

الدنيا كلها مقلوبة على البوكيمون من إمبارح كأنه عيل تايه :D ولو لسة مش عارف إيه البوكيمون ده، فهو يا سيدي عبارة عن لعبة للأجهزة اللي بتشتغل بنظام الأندرويد والأيفون وهدفها إنك تصطاد البوكيمون مش على موبايلك لأ ده في أي مكان بيحددوا ليك الـGPS.

لما الجهاز بيحددلك مكان البوكيمون، بتروح المكان ده وبيظهر ليك البوكيمون على الشاشة وبتصطاده.. ولو عايز تعرف أكتر تفاصيل عن اللعبة اضغط هنا. 

وعلى قد ما اللعبة مسلية ومختلفة عن الألعاب الإليكترونية التقليدية إلا إن في شوية نصايح لازم تخلي بالك منها وإنت بتلعبها عشان متروحش ضحية بوكيموناية :D

بص على الطريق 

لو البوكيمون موجود في مكان محتاج إنك تعديله الشارع بص على الطريق يمين وشمال متخليش لهفتك إنك هتصطاد البوكيمون تنسيك إن فيه عربية لو مخدتش بالك منها هتشيلك هيلا بيلا.

«إزاي تخنق جارك».. عودة لألعاب التسعينات

متروحش بيت حد 

ممكن الـGPS يقولك إن البوكيمون موجود في بيت حد طبعًا مش لازم إنك تروح البيت لأنك هتلاقي ونوس مستنيك :D ومش مهم يا سيدي تخسر بوكيموناية. اوعى من الحتة المقطوعة 

برضه لو كان البوكيمون موجود في حتة مقطوعة اوعى بصوت زكية زكريا :D تروحها لأنك مش عارف ممكن يحصلك إيه ولا هتقابل مين والحذر واجب برضه.

كلبشات No 

ربنا يكفينا شره :D لو البوكيمون مامته داعية عليه وظاهرلك على الـGps إنه موجود جوا قسم شرطة متتهورش وتروح تصطاده لأنك مصيرك هيبقى حاجتين الحبس بتهمة إنك إرهابي أو هتتحول لمستشفى العباسية ومستقبلك هيضيع يا ولدي.

بدلا من «Candy Crush».. شغّل عقلك مع هذه الألعاب

الشغل..لازم تنام 

متخليش لفك على البوكيمون ينسيك إن عندك شغل أو جامعة تاني يوم ولو مروحتش هيبقى مش حلو عشانك :D فلازم تنام وتصحى بدري وتعرف إن الحياة ضحك ولعب وجد وحب مش كلها بوكيمون.

ابعد عن الشر وغنيله 

هيصادف إنك تقابل ناس بيدوروا على نفس البوكيموناية اللي إنت بتدور عليها خلي عندك بقى ثبات إنفعالي ومتعملش خناقة مع حد وابعد عن الشر وغنيله أي أغنية :D

حمل اللعبة بقى من هنا  و Take care :)