كيف اتعامل مع خطيبي في فترة الخطوبة وإزاي تسيحي تلج خطيبك؟
بتكلميه كتير وردوده باردة على قد السؤال؟ حاسة إنه مبقاش يحبك؟ طب فكرتي إنك ممكن تكوني السبب في بروده ده وإنك مش مديه ليه فرصة أنه يحبك؟ عاوزه تعرفي كيف اتعامل مع خطيبي في فترة الخطوبة بشكل مفصل.
لو دماغك هتنفجر من كتر الحيرة اسمعي نصيحة الدكتور النفسي محمد مزيد عن إزاي تتعاملي مع برود خطيبك؟
خطوات الاجابة علي سؤال كيف اتعامل مع خطيبي في فترة الخطوبة
تفسير البرود
البرود ده تفسيره حاجتين: إما إنه بيصطنعه عشان عايز ينهي العلاقة معاكي، أو إنه مل منك فجأة فبيتعامل معاكي ببرود وده معناه إنكم ممكن تسيبوا بعض.
وفي الحالتين لازم تعرفي: إن الراجل ربنا خلقه عشان هو اللي يسعى ورا الست مش الست اللي تسعى وراه، وتغيري طريقتك بإنك تخليه ملهوف عليكي متشوق إنه يسمع صوتك عايز ويسأل عليكي.
ولأن طول ما أنتي بتسألي عليه 24 ساعة في 24 ساعة هو هيزهق وهيمل وهيحس إنك متقمصة شخصية مامته اللي بتهريه تليفونات مش حبيبته اللي نفسه يحس إنها واحشاه وعايز يكلمها يرغي معاها.
لو حس إنك مامته هتلاقي رده بارد خالي من أي عاطفة لأنك مش مدياله فرصة إنه يبين ليكي عاطفته لأنك ملاحقاه بالسؤال فخليه يدور عليكي مش أنتي اللي تدوري عليه واتقلي شوية.
خلي بالك
متقوليش كلامك الحلو ليه مرة واحدة، وشوقيه بإحساسك من وقت للتاني، وفي حبك ليه استخدمي قلبك في أنك تحسي بكلامه الحلو ليكي، وعقلك في أنك تحسي بقيمتك وتستخدمي دهاءك كأنثى في أنك زي ما قولنا تخليه يدور عليكي مش أنتي اللي تجري وتلاحقيه وتدوري عليه.
كلامهم
وعشان نوضح ليكي الموضوع أكتر عملنا استطلاع رأي لبعض الشباب عن الموضوع ده وكانت الإجابات:
«خالد ع» قال «لو استبردت فترة بيكون سببه أني مبقتش حاسس بالإنجذاب ليها أو إن هى مبقتش مهمة بالنسبة ليا وزهقت من الروتين اللي بيني وبينها الكلام الكتير والأسئلة الكتير والحاجات الكتير اللي محتاجة أوضحها وأنا مضايق من ده أو فعلًا وصلت لمرحلة مش عايزها بس بجبلها الموضوع بشكل أني أستبرد معاها وأكرهها فيا عشان مسألة الإنفصال تبقى أسهل».
أما «مصطفى محمود» فبيبص للبرود بشكل مختلف ويقول إن «لو حصل برود مني مش بيكون عشان أسيبها لأ ده عشان تظبط الدنيا بيني وبينها لأن شخصيتها عصبية وأنا لو اتعصبت الدنيا مش هتظبط فبضطر أستبرد عشان أستحملها والأمور تعدي وساعات بيكون ملل من كتر طول العلاقة بيني وبينها والملل ده بيوصل لبرود والبرود بيوصل لمشاكل ساعات بتكون مني وساعات منها».
