ليه تتعلم «ياباني» بالذات؟.. مواقع هتغير تفكيرك
بتفكر تتعلم لغة تانية تساعدك في العثور على وظيفة كويسة في المستقبل وعايز تطلع بره صندوق تعلم اللغة الإنجليزية؟ يا ترى فكرت تتعلم لغة زي اللغة اليابانية؟
اليابان دلوقتي بقت من أهم الدول اللي لازم تحطها في اعتبارك لو بتفكر تسافر أو تشتغل في شركة دولية، بالإضافة إلى أن اللغة اليابانية واحدة من أهم اللغات الرئيسية في العالم.
ليه اللغة اليابانية؟
- اليابان معروفة عالميًا بمستواها العلمي والتقني المتقدم.
- في الفترة الأخيرة قدرت تنافس الجامعات الكبيرة في كلاِ من الولايات المتحدة الأمريكية وبريطانيا على المراكز الأولى.
- ثالث أكبر الإمبراطوريات الاقتصادية في العالم.
- على المستوى العالمي، كتير من المتخصصين أكدوا إن القرن 21 هو القرن الآسيوي والدليل على كده صعود الصين والهند خلال الفترة اللي فاتت.
- مينفعش العالم يبقى بيغير حواليك وموازين القوة بتختلف وإنت لسه مصمم على لغة معينة علشان كده دراسة اللغة اليابانية هتكون ميزة مهمة جدًا للدارس في اليابان أو حتى للي عاوز يتعلم ياباني.
- اليابان كمان ليها استثمارات كتير في السعودية ومصر وغيرها من الدول العربية وده معناه توفير فرص كتيرة للي جايين يدرسوا في اليابان.
- الأمن والأمان في اليابان والتعامل المحترم من الشعب بيخلي الدراسة تتم في جو مناسب.
أكيد دلوقتي بعد ما عرفت المزايا اللي تقدر تأخدها من دراستك للغة اليابانية هتبدأ تفكر في الخطوة بشكل تاني بس مشكلة اللغة هتفضل قدامك من غير حل، "شبابيك" بيقولك الحل هنا مع اللينكات دي.
- سلسلة «كوتوبا»
هنا هتلاقي 5 لينكات تعليمية عن الكلمات اللي هتحتاجها في تعاملاتك اليومية سواء كان كلمات عن «المنزل» أو «عبارات التحية» أو «التعريف بالعائلة» أو «الأرقام» أو «الطعام والشراب».
المميز في السلسة دي إنها بسيطة جدًا وفعلًا أي مبتدأ هيحس معاها إن اللغة سهلة وهيحب يكمل فيها، المهم إنك تجرب وحاول متصعبش الدنيا على نفسك.
مفردات الـ «منزل»
«التحيات»
«العائلة»
«الطعام» و «الشراب»
«الأرقام»
- السلسة التانية بتعتمد على إنك تتعلم اللغة بس عن طريق الأغاني، الطريقة دي بيفضلها ناس كتير علشان كده إنت ممكن تجربها مع الأغنية دي. اقرأ أيضًا⇐الـ«كايزن».. فلسفة يابانية تقودك للنجاح
- «الطائر الأحمر الصغير»
للاستماع إليها: اضغط هنا
أما السلسة الثالثة عندنا، فهي تمثيلية إذاعية بتدور قصتها عن «أنّا» طالبة تايلندية بتعشق المانجا اليابانية.. استمتعوا معاها لإنها مش مجرد قصة هتحسوا إنكو مش فاهمين منها حاجه؛ لا دي فيها حد بيعلمك كل حاجه هي بتقولها وبيترجمهالك.
للاستماع للحلقة الأولى: «أنا أنّا» اضغط هنا
الحلقة الثانية: «ما هذا» اضغط هنا
الحلقة الثالثة: «أين الحمام» اضغط هنا
ودلوقتي بعد ما فتحا نفسنا على الدراسة، محتاجين نتعمق أكتر في اللغة أكيد مش دي اللي هتأهلنا للدراسة هناك علشان كده جيبنالكم السلسلة دي.
للإطلاع على الكورس الكامل: اضغط هنا
السلسلة دي هتلاقي فيها 29 محاضرة هتقدر تتعلم منها كل حاجه سواء كان نطق الحروف أو قواعد اللغة بمعنى أصح من الألف للياء.
لو فاكر إنك كده مؤهل للسفر تبقى غلطان، لسه الطريق محتاجه خطوة مهمة جدًا وهي إنك تشوف المواقع دي:
- نيبون. دوت كوم
الموقع ده مترجم بـ 6 لغات، هتقدر من خلاله تتعرف على كل المعلومات اللي المفروض تعرفها عن اليابان سواء كانت «معلومات عامة، أماكن سياحية، الدين في اليابان، التعليم، فنادق الحب، قصص مختلفة، أطعمة... إلخ».
لو حابب تعرف أحدث المشاكل اللي بيعاني منها المجتمع الياباني هتلاقيها عليه.
- هيئة الإذاعة والتليفزيون اليابانية
هنا بقى مش بس هتابع أخبار العالم لا إنت كمان هتتعلم من خلال سيكشن تعلم اللغة اليابانية سواء في «الدروس- جدول الحوف- المواد تعليمية- مفردات». اقرأ أيضًا⇐ تجول في عقول اليابانيين.. «رقص رقص رقص» ثم «نعاس»
الجميل في السيكشن ده إنك مش بس هتلاقي دروس مكتوبة لا إنت كمان هتقدر تسمعها من خلال القصص المختلفة.
- مؤسسة اليابان
دي بقى حكاية تانيه لإن البرنامج بتاعها بيقدملك مزايا كتير منها ورش عمل الأوريجامي (فن طي الورق الياباني)، تقديم الشاي، والإيكيبانا (تنسيق الزهور)،
والخط الياباني، بالأغضافة لحفلات الموسيقى اليابانية والعروض الفنية اللي هتساعدك إتقان اللغة بشكل فيه ممارسة.
المؤسسة كمان بتقدم دورات تعليمية في القاهرة والإسكندرية، خدمات استشارية لطالبي اللغة اليابانية، كل ده بجانب برامج لمساندة المؤسسات المعنية بالدراسات اليابانية سواءً كانت "زمالة- منح- محاضرات".
وبالشكل ده الممارسة هتكون سهلة جدًا طالما معاك المؤسسة اللي بتعرفك كل الأنشطة اللي هتعملها داخل القاهرة.
جينا للحظة اللي هنبقى عاوزين نعرف فيها معلومات أكتر عن تصايح الإقامة، التأمين في حالة المرض، السكن والمواصلات.
لو حابب تعرف معلومات أكتر شوف اللينك ده وهتستفيد كتير، للإطلاع على اللينك: اضغط هنا
