حاتي أحمد ندا يتعرض لحملة تشويه إسرائيلية والسبب فيديو لدعم فلسطين.. القصة كاملة

يواجه حاتي أحمد ندا حملة تشويه ممنهجة من قبل أبناء الكيان الإسرائيلي وداعميه، عبر التقييمات التي يتحيها محرك البحث جوجل على الموقع «اللوكيشن».

حملة مضادة لدعم حاتي أحمد ندا بعد التشويه الإلكتروني من أبناء الاحتلال الإسرائيلي 

حيث فوجئت إدارة الحاتي، بعدد كبير من التقييمات السلبية التي تقدر بنجمة واحدة على جوجل، مرفقة بالعديد من التعليقات السلبية لإلحاق خسائر بـ«وحش الأكل الشرقي في مصر».

وقد كشف حاتي أحمد ندا عبر صفحته الرسمية على موقع فيسبوك، عن سبب حملة التشويه المتقدة، مدونا: «بفضل الله الفيديو بتاعنا وصل جوه الكيان نفسه وزعلهم جامد لدرجة انهم بيعملوا حملة تشوية على اللوكيشن بتاعنا في جوجل».

وأضاف: «مهما كانت الخسارة عمرها ما هتكون زي الخسارة اللي تعرض ليها أخواتنا في القطاع، من فقدان لذويهم وحياتهم وإنسانيتهم».

مؤكدًا: «فبنوعدكم بمزيد من الفيديوهات متقلقوش وحتى حملات التشويه مش هتأثر فينا بالعكس، عملائنا عارفين كويس أوي احنا مين والريفيوهات واضح جدا أنها من داخل الكيان بأسماء عبرية».

جدير بالذكر أن الفيديو الذي كان سببًا في تلك الحملة على الحاتي، تمثل في مشاهد تجمع بين النيران التي يتم طهي مأكولاتهم عليها، وبين نيران الصواريخ التي أطلقتها إيران على الأراضي المحتلة خلال الأيام الماضية، اضغط هنا للمشاهدة.

ودعى حاتي أحمد ندا محبيه ومتابعيه للمشاركة في حملة مضادة، لزيادة التقييم الجيد ثانيةً على «لوكيشن جوجل»، مرفقًا الرابط: 

وساند قصر الكبابجي إدارة حاتي أحمد ندا بعد حملة التشويه الإسرائيلية التي يواجهها، ونشر عبر صفحته الرسمية: «دلوقتي في حملة قوية جدا من ولاد العم على براند مصري جارنا اسمه حاتي أحمد ندا».

وأردف: «الحملة دي عشان أحمد ندا عمل بوست داعم لأي حد ضدهم بطريقة ساخرة  لسوعتهم حبتين، وبشكل أو بآخر الفيديو بقى تريند عندهم هناك».

وبيّن قصر الكبابجي: «من الصبح والانفلونسرز بتوعهم شغالين حملات إلكترونية عشان يقللو ريفيوهات جوجل على المطعم اللي جنبنا في التجمع وللأسف قدروا يحشدوا أكتر من ٥ آلاف ريفيو سلبي على اللوكيشن ونزلوا للراجل التقييم من ٤.٤ ل ١.٨ ولسه الحملة مستمرة وبيتفاخروا بكده».

وطالب الجميع بالمشاركة في حملة الدعم: «في الحقيقة دعم الراجل ده مبقاش تفضل مننا، ولكن واجب علينا كلنا قصاد الهجمة الشرسة دي وعشان نوصلهم رساله أننا وقت الجد كلنا واحد مفيش بينا تنافس ولا خلاف، والحشد مفيش أسهل منه واللي عاوز يجرب يقرب».

كما قام مطعم كوفتا بدعم أحمد ندا أيضا بمنشوره التالي: «دعم المطاعم اللي ليها موقف شجاع واجب علينا كلنا.. حاتي أحمد ندا بيتعرض لحملة تقييمات سلبية من ناس بتدعم الكيان بسبب الفيديو الى نزلوه، لو بتؤمن بالعدل وبتحب الأكل الحلو من ناس محترمة.. ادخل دلوقتي واعمل تقييم إيجابي».