جاتلك دار علوم؟.. أبشر فأنت «درعمي»
سمعت عن كلية دار علوم؟ طيب فكرت لو جتلك في التنسيق هتستفيد منها بايه؟ طب تعرف مين أبرز الشخصيات اللي طلعت منها.
في التقرير ده «شبابيك» هيقولك ويعرفك كل حاجة عن الكلية.
دار علوم كلية عربية إسلامية بتدرس فيها اللغة العربية، والمواد الشريعة وفقه القرآن.
سنة أولى
فعندك مثلا في سنة أولي.. هتدرس بلاغة، ونحو، وعلم اللغة دة بيبقي جزئين:
(علم لغة.. وفقه لغة)
وكمان بتدرس شريعة وسيرة النبي صلي الله عليه وسلم وتاريخ الخلفاء الراشدين وإنجليزي، وفلسفة وأخلاق وأدب جاهلي.
سنة تانية
بيبقي فيه عبري وفارسي نص الدفعة عبري ونصها التاني فارسي و ده بيكمل معاك لرابعة وانت عندك حرية الإختيار أنهى لغة فيهم تحب تدرسهم.
طب لما هتتخرج ممكن تشتغل إيه؟
لما تتخرج فيه كذا مجال ممكن تختار تتخص فيهم:
أولهم التدريس ممكن تبقي مدرس عادي في أي مدرسة وممكن كمان تشتغل في مدرسة لغة عربية لغير الناطقين ودي مرتباتها عالية أوي أعلي من الدارس العادية بكتير، ده بجانب العمل في مجال الصحافة ممكن تشتغل في التصحيح اللغوي.
كلية دار علوم كمان بتتميز بأنها بتدي كورسات وشهادات كتير في المجال اللي تحبه.
يعني ايه «درعمي»؟
«درعمي» جايه من الاختزال وده بيتسمى في اللغة العربية «النحت»، يعني بدل ما تقول عبد الدار تقول عبدري، وعبد شمس، عبشمي، علشان كدا «درعمي» هي كلمة اطلقت على من درس في كلية دار العلوم.
أبرز خريجي كلية دار العلوم
كانت كلية دار العلوم منبر للكتاب والشعراء والعلماء ومهد لبناء الأفكار السياسية، وبناء كوادر لتولي حقائب وزارية، فتخرج منها وزراء، وسياسيون من أشهرهم:
الوزراء
سعد اللبان "وزير المعارف" يناير 1952
الدكتور إبراهيم مدكور "وزير الأشغال" 1952
الدكتور أحمد هيكل "وزير الثقافة" سبتمبر 1985
السياسيون
(حسن البنا، سيد قطب، حسين أحمد أبو عجوة).
