دخلت سياسة واقتصاد.. هتبقى وزير وسفير وحاجات تانية
بعد ظهور نتيجة تنسيق الثانوية العامة، اتقبلت في كلية سياسة واقتصاد طب عايز تعرف أكتر عن طبيعة الدراسة فيها.. «شبابيك» هيقولك كل اللي أنت عايز تعرفه عن الكلية في سؤال وجواب.
إيه هي شعب كلية اقتصاد وعلوم سياسية؟
فيها 3 شعب
أولا: الشعبة العربي.
ثانيا: الشعبة الإنجليزية
ثالثا: الشعبة الفرنسية.
شعب الإنجليزي اللي في الكليات.. مصاريفها كام؟
شروط القبول في القسم الإنجليزي والفرنسي؟
يشترط إنك تنجح في امتحان اللغة المخصص للشعبة اللي أنت عاوز تدرس فيها، مثلا امتحان الشعب الإنجليزية بيبقي من British Council «المركز الثقافى البريطاني»، والشعبة الفرنساوي الامتحان بيكون من المركز الثقافي الفرنسي.
قسم اللغة الإنجليزية والفرنسية ماشين بنظام الساعات المعتمدة يعني إيه؟
ده نظام تم تطبيقه في الجامعات الأوروبية، وبيعتمد علي عدد الساعات اللي بيتم دراستها لكل مقرر.
ايه مميزات النظام ده؟
تقدر تختار المواعيد وتنظيم الجدول بتاعك بطريقة سهلة فبيسمحلك باختيار المواد اللي عاوز تدرسها وتقوم باختيار الدكاترة بالمواعيد اللي تريحك.
مصاريف الشعبة الإنجليزية والفرنسية كام؟
المصاريف: تشمل مصاريف الكلية حوالي 12 ألف جنيه تزيد سنويا ومقسمة كالأتي:
♠ مصاريف نظام الساعات المعتمده بقيمة 350 جنيه في الساعة.. وبيكون المبلغ قيمه الساعة × عدد الساعات المختاره.
♠ يبلغ عدد الساعات في الأربع سنين 141 ساعة.
♠ الحد الأدنى لعدد الساعات فى الترم الواحد 12 ساعه لـ«4 مواد»، وأقصى عدد 18 ساعة «6 مواد».
طب إيه المواد اللي هتدرسها؟
بالنسبة لمواد سنة أولى: بتكون عامة، «مبادئ العلوم السياسة والاقتصاد والإحصاء وكمان مبادئ الإدارة والقانون والرياضيات بالإضافة إلى- مادتين بالإنجليزى في حالة الشعبة العربي- مادة فيها مصطلحات سياسية واقتصادية ومادة الحاسب الآلي».
طيب إيه هي تخصصات الكلية؟
الكلية فيها تخصصين رئيسي وده تحدده من سنة تانية وبتختار بين 3 تخصصات« الاقتصاد، العلوم السياسية والإحصاء».
وتخصص فرعي وده بتختاره في سنة تالتة وطبعا مينفعش يكون التخصص الرئيسي نفس التخصص الفرعي وأقسامه والتخصصات دي «الإقتصاد، العلوم السياسية، الإحصاء، الإدارة، الحاسب الآلي».
طيب لما تتخرج هتطلع إيه؟
ممكن تشتغل في البورصة والبنوك وممكن تشتغل في السلك الدبلوماسي لحد ما تبقي سفير وممكن تبقي باحث في الجهاز المركزي للتعبة والإحصاء، أو الشركات الخاصة، وممكن ربنا يكرمك وتبقى وزير ☺.
وعلى فكرة من مميزات كلية الاقتصاد والعلوم السياسية أنها بتقدم بعثات مجانية خارج مصر كتير للطلاب اللى فيها.
طيب كلية سياسة واقتصاد موجود في جامعات ايه؟
موجودة في جامعة القاهرة والإسكندرية، والسويس، وبني سويف.
وتنسيقها لسنة 2016-2017 كام؟
