لو عايزة تصوري البيبي.. مقترحات لفوتوجرافر أطفال
لو عايزة تصوري ابنك أو بنتك صور تفضل ذكرى ليهم طول العمر، هنرشحلك في الموضوع ده مجموعة من مصورين الأطفال اللي كل واحد منهم ليه لمسته الخاصة في تصوير البيبي.
سيشن التصوير عند سامح بتتقسم لي Main session وFull session والـ Main session سعره 700 جنيه وبيكون فيه 15 صورة، بتتحط على سي دي و5 صور مطبوعة حجم 48 × 33 سم.
أما الـ Full session سعره 1000 جنيهًا وبيكون فيه 30 صورة، بتتحط على سي دي و8 صور مطبوعة حجم 48 × 33 سم.
ومع الإتنين سيشن بيكون فيه فيديو صغير عبارة عن فيلم قصير لأجزاء من السيشن وصور للبيبي والفيديو ده بيبين قد إيه إن تصوير البيبي مش حاجة سهلة أبدًا وإن الصورة الواحدة ليه بتطلع بعد عناء من الأب والأم.
العنوان: 6 أكتوبر، الحي التالت، المجاورة الرابعة، ولما بتوصل هناك بتكلم سامح على رقم 01009174973 وبيبعت ليك اللوكيشن بالظبط على الـ«جي بي اس».
انجي وصفي المصورة بتقدم كذا باكيدج لتصوير البيبي متقسمين لـ20 صورة بـ800 جنيه، و15 صورة بـ600 جنيه، و10 صور بـ400 جنيهًا، و5 صور بـ250 جنيهًا. وكل الصور بتكون مطبوعة على سي دي ومعاها فيديو لجلسة التصوير.
العنوان: 5 شارع مستشفى سفنكس متفرع من شارع أبو الهول السياحي، محطة مشعل، الهرم.
التليفون: 01008936615
أما رومينا فعندها كذا باكيدج لتصوير البيبي، وكل باكيدج بيكون فيه مميزات مختلفة عن التانية.
باكيدج ان دور في استوديو رومينا سعره 750 جنيهًا، وفيها البيبي بياخد صور زي ما هو عايز ملهاش عدد معين. والتانية سعرها 550 جنيهًا وفيها البيبي بياخد من 20 لي 30 صورة.
باكيدج أوت دور في المكان اللي تحبيه، الأولى سعرها 850 جنيهًا وفيها برضه البيبي بياخد صور زي ما هو عايز ملهاش عدد معين. والتانية سعرها 750 جنيهًا وفيها البيبي بياخد من 45 لـ55 صورة. والتالتة سعرها 550 جنيهًا وفيها البيبي بياخد من 25 لي 35 صورة.
ولما البيبي يتم سنة أو سنتين تقدري تحتفلي بيه بدل لما تعملي ليه عيد ميلاد وده من خلال الكيك سيشن اللي هتعمله ليه رومينا واللي هيكون فيه كيك يلعب بيه البيبي.
تقسيمة باكيدج السيشن كيك في حالة لو إنتي هتجيبي الكيك
- الأول سعره 750 جنيهًا، والبيبي بياخد من 25 لـ 30 صورة.
- التاني سعره 600 جنيه، والبيبي بياخد من 15 لـ 20 صورة.
تقسيمة باكيدج السيشن كيك في حالة لو رومينا هتجيبه من عندها
- الأول سعره 900 جنيه والبيبي بياخد من 25 لـ 30 صورة.
- التاني سعره 750 جنيهًا والبيبي بياخد من 15 لـ 20 صورة.
العنوان: 17 شارع الصفا، شيراتون، هليوبوليس خلف النساجون الشرقيون.
التليفون:
01001371707
01000142944
Photogenique Photography - Heidi Fathy
أما هيدي فتحي فباكيدج السيشن عندها بيكون سعر الـ3 صور فيه بـ 600 جنيه، وسعر الـ5 صور بـ 1000 جنيه، وسعر الـ10 صور بـ2000جنيه.
العنوان: كومباوند بافرلي هيلز في الشيخ زايد، 6 أكتوبر.
التليفون: 01144003820
