راجع من الإجازة مخنوق؟.. دي روشتة ملل أول يوم شغل
الإجازة هي فترة الراحة والاسترخاء والبعد عن المتاعب والضغوط، وتعود منها للعمل مرة أخرى بنشاط وطاقة متجددة، لكن الأمر لا يسير بهذه الطريقة دائما.
فمع اليوم الأول لك في العمل يكون عقلك غير مستعد للتركيز وجسدك غير معتاد على المجهود بعد فترة من الإجازة الطويلة، وتشعر وقتها أن العمل عبء كبير عليك، والنتيجة أنك تكسل في العمل، ويرى رؤسائك أن الإجازة أفسدتك.
وحتى تحل هذه المشكلة، تحدث «شبابيك» مع مجموعة من الشباب لأخذ نصائحهم وحلولهم الواقعية لهذه المشكلة.
استمتع بالإجازة صح
قبل أن تفكر في أعباء العمل التي تنتظرك عند العودة، ينصحك المترجم الحر، محمد الوكيل باستغلال الإجازة جيدا حتى تخفف عنك ضغوط العمل المتراكمة وتعود «بنفس مفتوحة للشغل».
ويوضح «الوكيل» لـ«شبابيك»: «متضيعش الإجازة في النوم أو الأكل وبس.. لازم تعمل فيها حاجة تجدد طاقتك، حتى لو كانت أنك تتفرج على أفلام جديدة أو تستمتع بالهدوء قدر الإمكان».
كيف تتغلب على الملل في وقت الشغل؟
ظبط نومكجزء كبير من شعورك بالإرهاق في أول يوم عمل هو بسبب التعود على السهر في الإجازة.
وهنا ينصحك «الوكيل» بأنك «تكون نايم كويس قبلها، ومخطط لليوم كويس، ومتفكرش في أي حاجة سلبية أو أن الشغل هيكون عبء عليك، كمان لازم تفطر الأول قبل ما تنزل عشان يبقى عندك طاقة تشتغل كويس ومتحسش أنك مجهد بعد فترة طويلة بدون عمل».
متعزلش نفسك عن الشغل
الخطأ الذي يقع فيه معظم الشباب أنهم يعزلون أنفسهم عن كل شيء له علاقة بالعمل، لكن هذا سيجعلك غير مطلع على الكثير من الأمور التي حدثت في إجازتك.
ويقول أحمد شعبان، مندوب دعاية لـ«شبابيك»: «لو فصلت تماما عن الشغل هتلاقي نفسك أول يوم مكسل ومش قادر تشتغل، فأهم حاجة تحافظ على الرابط بينك وبين الشغل حتى لو بسيط، ممكن آخر يوم في الإجازة تستعد بأنك تقرأ حجات بسيطة عن الشغل، أو تخلص شوية مهام صغيرة كنت متكلف بها».
زود مرتبك بشياكة.. جكد قلبك وقابل مديرك واطلب منه
وابدأ بالتدريجولأن الشعور بوجود الكثير من الأعمال بعد فترة طويلة من الراحة، قد يشكل عبئا نفسيا عليك، ينصحك محمد الشرقاوي وهو طبيب طواريء، بضرورة التدريج في المجهود عند العودة للعمل مرة أخرى، وعدم تسلم مهام صعبة للغاية في أول يوم.
يقول «شرقاوي»: «طبيعة شغلي بتجعل فيه إمكانية أني أبدأ بالتدريج، ولأني شغال طواريء فبحاول أقسم الشغل بيني وبين أحد الزملاء على الأسبوع فبنزل ممكن أنزل أول أسبوع 3 أيام فقط».
ركز على الهدف
سحتاج أيضا للتركيز على هدفك من العمل، الذي سيعيد لك عزيمتك مرة أخرى ويجدد طاقتك.
يضيف «شرقاوي» لـ«شبابيك»: «عشان أتغلب على شعوري بالملل من الشغل بحاول أركز على الهدف اللي بشتغل عشانه.. لازم أفكر نفسي كل شوية أنا بشتغل ليه؟ ايه المسؤوليات اللي عليا بكرة؟ أنا عاوز الفلوس ليه؟».
ويتابع: «ده غير أن شغلي مرتبط بحالات جديدة بتكلم معاها، مرضى كتير بيجبوا بيبقوا عايزين يحكوا عن تاريخهم المرضي، فبحاول أركز معاهم عشان أطلع من المود ده».
لو عايز تسيب شغلك وتروح مكان جديد.. خلي بالك من الحجات دي
اثبت أنك الأفضلوقبل رجوعك للعمل يجب أن تعلم أيضا أن مديرك عندما يوافق على إعطائك إجازة، فهو يتوقع منك أداء أفضل في العمل بعدها لا العكس، كما تنصحك المرشدة السياحية مريم ميلاد.
تقول «مريم»: «لازم تكون راجع شغلك بجدية، وتحرص على إنجاز كمية جيدة من الشغل في وقت كويس، لأن ده هيأثر على نظرة رؤسائك لك بالإيجاب».
