للطلاب.. عايز تبقى وزير في أمريكا «MAP» هيوصلك

نشأ نموذج «MAP» الطلابي بعد رحيل الرئيس الأميركي «جورج بوش» في عام ٢٠٠٨؛ بسبب أهمية معرفة ما خلفته أمريكا من تداعيات على مستوى كل دول العالم.

طيب بيتكلم عن إيه؟

نموذح طلابي في كلية الاقتصاد والعلوم السياسية بجامعة القاهرة، تقوم فكرته على محاكاة السلطة التفيذية في الولايات المتحدة الأمريكية الممثلة في الوزارات مثل «العدل والدفاع والخارجية والتجارة».

طيب إيه الهدف منه

الهدف تعريف الطالب بالقوى العظمى على مستوى العالم وإزاى أميركا بتستخدم أدواتها في نشر أفكارها على الصعيد العالمي.

لطلاب الجامعات.. يعني ايه نموذج محاكاة؟

ايه اللغات اللي هيتم الشرح بيها؟

MAP فيه وزارت بالعربي زي «الخارجية والعدل»، ووزات باللغة الانجليزي زي «التجارة والدفاع».

طيب إزاي أنضم ليهم؟

بتروح تملي استمارة من المكان المخصص ليهم وبتحدد ميعاد الانترفيو الخاص بيك، ولو نجحت يبقى مبروك بقيت عضو معاهم. وعلى فكرة مش شرط تكون  من جامعة القاهرة عشان تنضم معاهم.

متنساش

وأنت بتقدم في الانترفيو MAP  أوعي تنسي تعمل  تصويت للمرشح اللي نفسك يفوز في الانتخابات الأمريكية سواء  «دولند ترامب أو هلاري كلينتون».

طيب إيه الموضوعات أو المحتوى اللي بيتم شرحه خلال الجلسات؟

طبعا كل وزارة بتحاكي موضوع مختلف عن التاني يعني مثلا وزارة التجارة الأمريكية بيتم مناقشة أبرزالموضوعات الاقتصادية و الأزمات زي  المشكلة الاقتصادية عام 2008 ووزارة العدل القضايا اللي تخص القوانين حول العالم وهكذا.

نفسك تروح تعرف أكتر عن أوروبا.. يبقى تملى استمارة من هنا

طيب والسنادي؟

السنادي هيتم التركيز أكتر على قضايا الانتخابات الأمركية  وتأثير فوز كلا الطرفين على الساحة العالمية و الشأن الأميركي.

آخر حاجة بقي

الجلسة  بتبقي كل يوم جمعة من الساعة 10 للساعة 2 هيتم خلالها شرح أكاديمي وتعلم مهارات عشان تأهلك لسوق العمل وكمان شوية ألعاب كدة عشان متزهقش.