«هنسيب الكريب وناكل فول».. طلاب بالجامعات يحكون معاناتهم من تذكرة المترو

المترو وسيلة أساسية لعدد كبير من طلاب الجامعات، ولكن بعد رفع سعر التذكرة، كيف ينظر الطلاب للمترو؟ وما مدى تأثير هذه الزيادة على مصاريفهم؟.

عدد من طلاب الجامعات المختلفة تحدثوا إلى «شبابيك» حول هذه الزيادة وكيف سيتعاملون معها؟.

يقول الطالب بجامعة الأزهر، كريم أحمد، إن الزيادة ستضطره للاستغناء عن شراء أدوات الرسم هوايته المفضلة «كنت بصرف 6 جنيه في اليوم مواصلات وبوفر جزء من المصروف كل فين وفين لما اجيب أدوات وألوان».

وتعتبر الطالبة بجامعة القاهرة، نورهان مجدي، أن الزيادة لن تؤثر كثيرا  بالنسبة لها «مش هتفرق معايا لاني واحده شغاله الناس اللي بتاخد على أد يومها هي اللي هيأثر معاهم، بس مضطرين».

أما الطالب بجامعة الأزهر، أحمد أشرف، يقول إن الزيادة ستؤثر بنسبة كبيرة على مصروفه «500 جنيه، بصرف 40 جنيه في الشهر للمترو وفي مواصلة تانية بركبها بـ2.5، ودلوقتي هتبقى الضعف عشان كده هجرب الاشتراك، بس بردو زاد 10% بس هيبقى أوفر شوية».

عاجل| زيادة سعرة تذكرة المترو صباح الجمعة

الطالبة بجامعة القاهرة، إيمي أشرف، تقول «مفيش مواصلة غير المترو، وهحاول أوفر من المصروف لان أهلي مش هيزودوا حاجة فأنا فيه مواصلة كنت بركبها لحد المترو هضطر أمشيها رغم أنها مسافة بعيدة».

واعتبر الطالب بجامعة الأزهر، أحمد أيمن، أن المترو هو المواصلة الأفضل له للجامعة، بالرغم من وجود مواصلة أخرى «بس أضعاف أضعافه».

ويوضح «مصروفي200 جنيه في الاسبوع وبركب مترو حوالي 3 أو 4 مرات في اليوم، بس الاشتراك هيكون أوفر كتير».

وترى الطالبة بجامعة حلوان، ساندي غطاس، أن هذه الزيادة بنسبة 100% كبيرة وغير مبررة بالنسبة لعدد مستخدمي المترو يوميا، وستضطر  للتقليل من مصاريف الأكل.

محمد توبة، طالب بجامعة حلوان يقول إن الزيادة ستمثل عبء كبير له، وسيضطر للاستغناء عن بعض الأشياء «بدل ما اشتري كريب هاكل فول وطعمية أو بدل ما اشتري 3 ساندوتشات هشتري 2».