إزاي تحمي نفسك من التجسس واختراق الواتس أب
في طرق كتير لاختراق تطبيق الواتس أب على أجهزة الأندرويد والأيفون سواء من جهاز الكمبيوتر أو ببرامج التهكير.
وعشات تقدر تحمي خصوصيات على تطبيق واتس أب ومنع أي حد إنه يوصل للرسايل أو يقراها
اختراق الحساب
ببساطة اللي بيوصل لرسايل غيره على الواتس أب بيستخدم طريقة كتير مننا بيعملها وبيحتاجها في شغله –خصوصا الصحفيين- وهي ربط التطبيق اللي على الموبايل بجهاز الكمبيوتر أو اللاب توب، من خلال موقع whatsapp web.
الخدمة دي بتمكنك من ربط الواتس اللي على الموبايل بجهاز الكمبيوتر الخاص بيك بحاجة اسمها «QR code» والكود ده هي شفرة زي اللي بتكون موجودة على أي منتج بنشتريه.
بتفتح أي متصفح على الكمبيوتر وتدخل موقع web.whatsapp.com هتلاقيه جايبلك شفرة التوصيل.
هتفتح الموبايل وتجيب تطبيق الواتس أب وتفتح إعدادات (Settings) -> إضغط على واتس أب ويب (WhatsApp Web)، الكاميرا هتفتح هتوجهها ناحية جهاز الكمبيوتر عشان تقرا شفرة الكود «QR code» الموجود على شاشة متصفح جهاز الكومبيوتر.
إزاي تعرف إن حد بيراقبك؟
لو حسيت إن رسايلك حد بيشوفها أو مراقبها، بكل بساطة برضه هتفتح موبايلك وتفتح قائمة الخصائص واختار «WhatsApp Web».
لو الكاميرا فتحت عشان تعمل مسح لشفرة التوصيل، يبقى انت في السليم ومحدش بيشوف رسايلك ولا فاتح الواتس أب بتاعك على أي جهاز كمبيوتر.
طب لو في حد فاتح حسابك؟ هتلاقي الصفحة دي جيالك ومكتوب اسم المتصفح واسم نظام التشغيل اللي انت عليه.
طريقة الحماية
لو انت بنفسك مش رابط حسابك اللي على الموبايل بالكمبيوتر ولما عملت الطريقة اللي بتخليك تعرف حد براقبك ولا لأ ولقيت في أجهزة فاتحة الحساب بتاعك، على طول متترددش اعمل تسجيل الخروج من كل الأجهزة «Log out from all computers».
وطالما عملت تسجيل الخروج مفيش أي حد هيقدر يشوف رسايلك، وحتى لو حد كان فاتح حسابك هيقفل على طول.
أمّن نفسك زيادة
وعشان تبقى متطمن وتأمن نفسك زيادة هتعمل خطوتين:
الأولى: إنك كل شوية تكرر طريقة الحماية اللي اتكلمنا فيها بشكل يومي عشان تشوف فيه حد فعلا مصر يراقبك، ولا أنت في الأمان.
الثانية: إنك تعمل رقم سري لتطبيق الواتس أب على موبايلك وأي تطبيق فيه خصوصياتك عشان محدش يوصله بسهولة.
