أحمد القاضي يكتب: بنتي ليها جامعة تتخطب فيها
Á:عمي يشرفني إني أطلب ايد بنت حضرتك ß :نعم ؟ انتا ازاي تتجرأ ؟ انتا فاكر بنتنا ايه ؟ Á:- ليه بس يا عمي دا أنا داخل البيت من بابه ... ما تقولي حاجة يا طنط ؟ Ç:طنط ايه بس ، انتا فاكر بنتنا ملهاش جامعة تتخطب فيها ؟ ملهاش صحاب يمسكولها البلالين ؟ انتا عايز الناس تاكل وشنا ؟ Á:- يعني أنا اتقدم لبنتكم ازاي ؟ Ç:- وكمان ليك عين تسأل ؟ أنا اللي يتقدم لبنتي لازم يدخل الجامعة من بابها ، ويقف في وسط ساحة الكلية ، ويصرخ بأعلى صوته ويقولها بحبك ويقدملها بوكيه الورد قدام زمايلها ، مش جايلي البيت وتقولي خطوبة ، اتفضل يا أستاذ معندناش بنات للجواز ⇓
مصدر الحوار السابق:
عمي يشرفني إني أطلب ايد بنت حضرتك - نعم ؟ انتا ازاي تتجرأ ؟ انتا فاكر بنتنا ايه ؟ - ليه بس يا عمي دا أنا داخل البيت من ب... Posted by Moh Egy on Monday, October 26, 2015
,,,,,,,,,,,,,,,,, ,,,,,,,,,,,,,,,,,,, ,,,,,,,,,,,,,,,,,,,,, ,,,,,,,,,,,,,,,,,,,, ,,,,,,,,,,,,,,,,,,,,, ,,,,,,,,,,,,,,,,,,,
مازال لدنيا القدرة على الإبداع رغم ما نمر به ...
حمادة اللي بيهري بزيادة: مين الأخ اللي واقف ولابس بدلة وماسك ورد في ايده يا أبو العريف
أبو العريف الحريف : ده عيل سيس يا حموزة
حمادة اللي بيهري بزيادة: ازاي؟!
أبو العريف الحريف : بيقولكجاي يخطب واحدة
حمادة اللي بيهري بزيادة: ده اهبل؟ .. طيب مين قاله انها موافقة؟
أبو العريف الحريف : تفتكر دي فاتته؟ .. بيقولوا انه راح اتقدم لأهلها وموافقين... بس هو عامل لها مفاجأة هيقدملها ورد ويعلن الخطوبة وسط صحابها عاوز بفرحها يعني
حمادة اللي بيهري بزيادة: ههههههههه عيل فاضي وبتاع هري سيبك منه خلينا في موضوع الدولار .. عامل كام دلوقتي؟
,,,,,,,,,,,,,,,,, ,,,,,,,,,,,,,,,,,,,,بــعــد يـــومــيــن ,,,,,,,,,,,,,,,,,,,,, ,,,,,,,,,,,,,,,,,,,
أبو العريف الحريف : الآنسة المحترمة اللي كانت جايبة الواد السيس يخطبها هنا في الجامعة؟ ... فااكره؟ حمادة اللي بيهري بزيادة: ايه تاني عاوزين يعملوا "كحك" الفرح في كلية اقتصاد وعلوم سياسية؟
أبو العريف الحريف :تصدق فقعتهالي !!!
حمادة اللي بيهري بزيادة: ايه دي؟
أبو العريف الحريف : المرارة .. البنت ياعم رئيس الجامعة حولها للتحقيق عشان أعلنت خطوبتها في الجامعة.. رئيس الجامعة قال ده مكان للعلم
,,,,,,,,,,,,,,,,, ,,,,,,,,,,,,,,,,,,,,حرااااااااااااااااااااااااااااام عليكم سيبوا الناس تعيش ,,,,,,,,,,,,,,,,,,,,, ,,,,,,,,,,,,,,,,
⇐ للمرة المليون اللي حصل ده عيب يا سيادة رئيس الجامعة ؟
الكلام ده حصل في جامعة الزقازيق فهنقول تاني: يا دكتور عبد الحكيم نور الدين يا حضرة القائم بأعمال رئيس جامعة الزقازيق القرار اللي حضرتك أخدته ده غلط سوري ارجع في كلامك .. والغي قرارك .. هتلاقي شكلك قدام الطلبة أفضل
مع خالص شكري لو رجعت في كلامك،،
لو حبيتوا تشوفوا فيديو خطوبة جامعة الزقازيق:
بشياكة بيتكرر الموقف حصلت خطوبة في دمنهور وفيه اللي بيقول دي المرة الرابعة
تعالوا بئا للمرة الخامسة بنفس الشياكة واللياقة لبس البدلة والجزمة اللي اشتراهم مخصوص عشان يروح يشتري ورد ويطلع على كلية البنت اللي كان عندهم في البيت من يومين بيطلب ايدها من أبوها ..
صمم إنه يفرحها النهاردة .. كان في الميعاد مظبوط قدام كلية البنات جامعة الأزهر لابس البدلة الجديدة ومعاه الورد اللي اشتراه مع اننا في أخر الشهر .. والمتوقع ان العروسة تطلع من كليتها وفي الوقت والساعة كان الكل جاهز عشان تطلع ويقدملها الورد قدام صحابها وبكده قدر انه يخليها أسعد انسانة في الوقت ده
وفي الاخر ♥♥♥♥♥♥يروحوا مع بعض وهي طايرة من السعاة وهو سعيد جدا بالفرحة والحيوية اللي في عنيها ♥♥♥♥
والمرة دي هيقولولك: دي اسمها جامعة الأزهر ما ينفعش .. ده الأزهر... ده مكان ما ينفعش يعملوا فيه خطوبة وهيصة وورد والكلام الفاضي ده
أحب أقولكم إنكم تيران ... ونصيحة لكل واحد فيكم لو تقدر تسعد أي حد في حياتك ما تتردش حتى لو هتعمل زي اللي مش عاجبك ده .
♥الموضوع مش محتاج تعليق غير ربنا بسعدهم ♥♥♥♥♥♥
⇐ويا سيادة رئيس جامعة الأزهر لا تخطأ كما أخطأ غيرك وأحال طالبة أخرى للتحقيق !!!!!!!!
خطوبة جامعة الأزهر
ولو حضراتكم معترضين كرؤساء جامعات على اي خطوبة تتعمل بشياكة وبمعرفة الأهل وفي النور وقدام الناس يبئا اتعلموا من مورجان بيه :
