خدمة «صاحب للإيجار».. شباب وبنات تحت الطلب

أطلق مجموعة شباب مصريين صفحة على موقع فيس بوك، تحمل اسم «صاحب للإيجار»، وهي خدمة تتيح للشباب والفتيات اصطحاب شخص آخر لا يعرفونه في المناسبات والمشاوير المختلفة.

وانتشرت الصفحة التي أنشئت في 21 مايو 2019، بين الآلاف  وتخطى عددها 50 ألف متابع في أقل من 5 أيام على انطلاقها.

وأبدت الصفحة استعدادها لتوفير شخص يشارك في تنفيذ مهمة ما أو اصطحاب شخص آخر بمجرد التواصل عبر خدمة الرسائل: «عندك إجتماع وعاوز حد يروحه معاك كلمنا، عاوز واحدة تناسبك تمثل إنك مرتبط بيها ليله كامله كلمنا، وعاوزه حد يروح معاكي السينما وتاكلوا في حته حلوة بعدها كلمينا.. إحنا بنأجرلك صاحبك».

الفكرة جادة وليست للتسلية

بلال عزت وسقراط ومحمد مجدي وأحمد فرج، هم 4 شباب يعملون في مجالات تحرير المحتوى والتصميم والتسويق الرقمي.

الشباب قرروا إطلاق فكرة جديدة تعمل عناون «صاحب للإيجار.. friend for rent»؛ لتأجير الصاحب، ويؤكد سقراط المسئول عن الصفحة أنها فكرة جادة وليست عبارة عن بوست ساخر عبر موقع التواصل الاجتماعي فيس بوك.

سقراط يعلن عن وجود العديد من الفتيات والرجال جاهزون للعمل معه، كما تلقت الصفحة عدد من الطلبات وجار تنقيتها للتعرف على الجادين منهم وتوظيفهم.

الفكرة في مرحلة العصف الذهني، وجار إعداد التطبيق الخاص بصاحب للإيجار، ليبدأ في إطلاقه بعد انتهاء تنظيم كأس الأمم الإفريقية 2019، وفق حديث سقراط لبوابة الشروق.

وتباينت ردود الأفعال حول الهدف من الصفحة، ما بين أنها فكرة إيجابية تساعد في إنجاز المهام، وآخرين رأوها تدعو لعلاقات غير مشروعة.

غير أن هناك من تعامل مع الأمر بشكل ساخر، وجاء محتوى تعليقات المتابعين كالتالي:

• هوه الكلام ده بجد ولا هزار عشان انا مش مستوعب بس.

• فكرة بمليون جنيه شغلونى معكم.

• حلو ده لا وجديد، حلو الموضوع ده.. بناجرلك صاحب.

• لو عاوز واحدة تحضنك... هنوفرهالك.. لو عاوزة واحد يهرشلك وتحبيه كلمينا ع 0900 هنأجرلك واحد يهرشلك.

• في ظرف ٢٤ ساعه لو صحابي مخرجوش من البيات الصيفي هأجر صحاب ايه البيدج دي ياجماعه؟.

• يا نهااااااار منييييل.. وصلت اننا بنأجر ناس عشان نشاركهم لحظة حلوة.. ربنا يتولانا.

• الفكرة دي حلوة تنفع للناس اللي لوحدهم بس شرط اللي ينزل معايا مش يحصل تعمق في علاقات ونقرب من بعض.

• خليني لوحدي احسن، لما قرني يقرر يبقى Founder.

• انا أعرف ان للصداقه دي هيه الحاجه الوحيده اللي بنختارها في حياتنا، الصداقه دي احلي حاجه علشان دي العشره والمواقف والسنين والزكريات الي جمعتنا وعيوبنا الي غيرنا قابلها ..اول مره اعرف ان حد ممكن يأجر حد علشان يبقي في كتفه في موقف معين، علي فكره الناس بتلمع اكتر لما يكونوا مع ناس بيحبوهم بجد.. مش مع بشر fake. 

ماذا يقول الطب النفسي عن استئجار صديق؟

استشاري الطب النفسي، الدكتور إبراهيم مجدي، يرى أن فكرة «صاحب للإيجار» في مضمونها دعوة لطيفة تتيح لمن يشعر بالعزلة إمكانية التعرف أو مصاحبة أحد يمكن أن يكون سببا في علاجه.

لكن يحذر الطبيب النفسي من خروج الدعوة المنتشرة بين الشباب المصري بشكل ملحوظ،عن الأعراف والتقاليد المجتمعية.

ويخشى مجدي من دعوات نشر الأفكار الغريبة في المجتمع، لأنها يمكن أن تكون فخا مجهول المصدر.

كما يجب معرفة من وراء تلك الدعوات لفهم الهدف الأساسي منه، والتعرف على جوانبها، خاصة وأن أحد منشورات الصفحة تضمن عبارات غير مألوفة ولا تتناسق مع الثقافة المصرية، في إشارة من الدكتور إبراهيم مجدي لمنشور يدعو الفتيات لإمكانية استئجار شاب.

وحذر من لجوء الناس لغير المألوف أو حب التجربة لأمر مختلف الذي قد يدفع البعض لخرق العادات والتقاليد المجتمعية.

انتشار فكرة صاحب للإيجار

وفي أقل من أربعة أيام انتشرت صفحة صاحب للإيجار بشكل متسارع، بين المؤيدين للفكرة، والمعارضين، وحتى من تناول الفكرة بشكل ساخر من خلال مشاركة أصدقائه بالإشارة لهم في تعليقات الصفحة والسخرية من عدم مشاركتهم في الأوقات التي يحتاجونهم فيها.