تحويل أزمة تحرش عمرو وردة لفيلم سينمائي
اعترض المؤلف والمخرج محمد دياب على قرار اتحاد الكرة بعودة اللاعب عمرو وردة لصفوف المنتخب الوطني بعد أزمة المحادثات والفيديوهات الجنسية المنسوبة له، وقرر البدء في تجهيز فيلم مستوحى من هذه الأزمة.
ونشر دياب تدوينة طويلة على صفحته الشخصية بموقع فيس بوك للتعليق على أزمة عمرو وردة.
وقال: «الناس الكتييير اللي محبطه من اللي حصل في موضوع ورده، لسه عندنا كتير نقدر نعمله. من اول مقاطعه المنتخب، لغايه اننا نروح الاستاد و نشجع ضدهم (ورده و اللي ايدوه)».
وأضاف: «و لو في مصر ورده يقدر يهرب من العقاب فاليونان اللي بيلعب فيها و انجلترا -اللي بيلعب فيها اللاعيبه اللي ايدوه- بلاد مبتتسامحش في التحرش. في اوروبا القصه بتفاصيلها الواضحه لما تتعرف بقوه السوشيال ميديا، ميه في الميه هتأثر في كاريرهم و هتشوفوا ورده فريقه بيسرحه، (كل البنات عاهرات زيك) دي جمله من كلام ورده في الشات تفهمك بيفكر ازاي».
وتابع «من خبرتي المتواضعه في موضوع التحرش عشان الفيلم الي عملته و قضيت فيه ٣ سنين بحاول افهم المتحرش بيفكر ازاي، فورده متحرش محتاج علاج نفسي و اعاده تأهيل بس بسبب ان الموضوع اتحل بسهوله فهو مش هيسعي للعلاج و مؤكد هيرجع يعمل مصيبه، حتي لو اتجوز فممكن يضرب مراته مثلاً. يعني اللي ساعدوا ورده يطلع من الموضوع بدون عقاب حقيقي و وقفه مع النفس في الحقيقه بيأذوه».
تحويل تحرش وردة إلى فيلم
وقرر: «شخصياً قررت ان الموضوع ده هيبقي ٦٧٨ الجزء التاني، عشان لما صلاح و المحمدي يلاقوا اسمهم في كل مهرجانات العالم و جرايد العالم الفنيه مربوط بأنهم ايدوا متحرش يبقوا يعرفوا ان الله حق، و كل شخص مشهور هيفكر يشاركنا افكاره الرجعيه المدمره يفكر الف مره».
