رئيس جامعة حلوان يعلق على أزمة نتيجة الفرقة الثالثة بكلية التجارة

وعد رئيس جامعة حلوان الدكتور ماجد نجم، بالتعامل مع شكاوى طلاب الفرقة الثالثة بكلية التجارة جامعة حلوان، بسبب رسوب عدد منهم في امتحانات عدد من المواد.

وقال في تصريحات لموقع شبابيك، إنه سيتواصل مع عميد كلية التجارة، لمعرفة نسب نجاح الطلاب في كلي فرقة على حدة وعلى مستوى الكلية لمعرفة نسبة ناج العام الدراسي 2018-2019.

وأكد نجم، أن كليات جامعة حلوان لن تتجاوز نسب الممتحنين الخاصة باللجان المشرفة على الامتحانات، كما أن تواصل مع كلية التجارة لمعرفة نسب النجاح وحل المشاكل التي تواجه الطلاب ستتم بعد إجازة عيد الأضحى المبارك.وذكر أنه سيتعامل مع الشكوى ويرسل لموقع «شبابيك» نِسَب النجاح للفرقة الثالثة كلية التجارة جامعة حلوان بعد انتشار كثير من شكاوى طلاب تلك الفرقة عن النتيجة للعام الدراسي 2018-2019.

أرسل عدد من طلاب كلية التجارة جامعة حلوان، كثير من الرسائل التي يستغيثون فيها؛ لرفع ما وصفوه بالظلم عنهم في نتائج بعض المواد.

واتهم الطلاب إدارة الكلية وأساتذتها بإضطهادهم وتعمد رسوبهم بشكل جماعي، في عدد من المواد مثل: «مبادئ علم السياسة، محاسبة تكاليف، مبادئ مراجعة، احصاء تطبيقي، محاسبة منشآت».

وننشر عدد من رسائل الطلاب التي تم إرسالها إلى موقع شبابيك عبر صفحة الطلبة على موقع التواصل الاجتماعي «فيس بوك»، والتي جاءت كالتالي:

شكوى الطلاب كما أرسلوها لموقع شبابيك

بوسي نور: «السلام عليكم انا طالبة من جامعة حلوووان بقالي تلت سنين فيها وبنعاني من الفساد الي فيها بسبب نسب السقوط العالية جدا انا كنت كل سنة بسكت عن حقي بنجح بس بشيل مواد ظلم بس انا السنة دي تالتة انتساب اقتصاد عيدوني السنة كلها علي تلت مواد ظلم مادتين تيرم اول ومادة تخلفات محاسبة سنة تانية وللاسف مديني نفس الدرجة بتاعت السنة تانية حرررام لما اعيد السنة علي تلت مواد وانا ف قسم صعب جدا تعب سنة كاملة يرووح علي مفيش وكمان لما بنعمل التماسات مش بناخد حاجة بيلموا فلوس وبس ياريت حضراتكوا تساعدونا».

محمد مصطفى: «انا طلب في جامعه حلوان كليه تجاره تالته انتساب تعرضنا لظولم تصحيح غير طبيعي في نتيجه هذا العام ولا يجد احد لمساعدتنا لكي ناخذ حقنا في هذه المواد جميع الطلبه راسبين في نفس المواد ونفس الدرجات ونحن لا حول لنا ولا قوه نرجو المساعده».

محمد مجدي: «الدفعة بنسبة كبيرة شايلة اكتر من تلت مواد وبنفس الدرجات وتقريبا نفس المواد ده طبعا مستحيل، أحنا كنا صابرين علي النتيجة كتير علشان تطلع وفي الاخر طلعت بالشكل ده طب وبعدين، كل سنة نفس الدكاترة المعقدين يعملوا كدا في الامتحانات واللجان والتصحيح والدرجات، طبعا في ناس نجحت بس متستحقش ده والعكس برضه ومنقدرش نعمل حاجة في اللي حصل، اللي عاوزة اوصله ليكوا أن ده بسبب سكوتنا من الأول عليهم بس المفروض يا نكسر حاجز الخوف ده ونتجمع علشان نطلب حقنا يأما منزعلش بعد كدا من النتيجة، كل اللي طالبوه منكوا أي حد شايف نفسه أتظلم ينزل وأي حد يعرف حد أتظلم يعمله منشن لكل الناس علشان يعرف أننا عاوزين نتجمع في اليوم اللي الناس هتختاره ونروح للعميد بدون شغب علشان نوصل الفكرة وناخد حقنا بالله عليكم مستقبلنا بيضيع.. كلامنا لازم يوصل للمسؤولين في الجامعة».

هبة عامر: «كلية تجارة جامعة حلوان واقعين ف مشكلة بسبب الاهمال اللى في الجامعة ونص الدفعة عادت السنة والنص التاني شايل مواد ف ناس هيروح سنة من عمرها علشان تعيد السنة ع 3مواد لية مفيش سمر كورس زي جامعة القاهرة».

شاهر عادل: «السلام عليكم... لو سمحتوا انا بكلمكم بخصوص جامعة حلوان و الظلم اللي بيحصل في التصحيح و نسبة الرسوب العالية جدا و اللعب بحياة و مستقبل الطلاب هناك.... في نسبة رسوب عالية جدا و المواد اللي الطلاب بيشيلوها بتكون مواد معينه و درجات الرسوب فيها تقريباً واحدة فارجوا انكم تكتبوا و تنشروا الموضوع ده عشان في احد زملائي تواصل معاكم و قالنا كلنا نتواصل احنا كمان معكم.. شكراً لكم و ربنا يوفقكم».