السيسي يفاجئ رئيس «الوطنية للزراعات المحمية»: «أنت بتقبض كام».. (فيديو)
فاجأ رئيس الجمهورية، عبد الفتاح السيسي، خلال افتتاح 1300 من الصوب الزراعية في إطار المرحلة الثانية من «قطاع محمد نجيب للزراعات المحمية»، رئيس مجلس إدارة الشركة الوطنية للزراعات المحمية، قائلا: «محمد يا عبدالحي.. أنت بتقبض كام»
ورد اللواء محمد عبدالحي، رئيس مجلس إدارة الشركة الوطنية للزراعات المحمية، على السوال الذي وجهه له رئيس الجمهورية، قائلا: «بقبض 14 ألف و200 جنيه»
وعقب السيسي على إجابة رئيس مجلس إدارة الشركة الوطنية للزراعات المحمية: «محمد لو غمض بس في يوم، ممكن يعمل 12 مليون جينه وأكتر» بحسب ما نقل موقع «مصراوي» عن الرئيس.
وتابع السيسي حديثة عن رئيس «الوطنية للزراعات المحمية»: «بسأله في يوم أنت ساكن فين قالي أنا ساكن في حته بعيدة، فقلتله أنت ساكن في مكان بعيد يعني حوالي 40 كيلو رايح و40 كيلو جاي، وبتستخدم سيارة الجيش، وكمان بنزين، يبقى لازم تنقل في مكان بجوار الشركة، قالي أنا معنديش غير الشقة دي، قلتله بعها واشتري شقة في مكان قريب من الشركة».
وأضاف الرئيس: «ممكن حد يقول لي خليه ياخد شقة أو فيلا من اللي بتعملوهم، لكن أنا بقول من أول أنا ولحد أي شخص، جنيه واحد لأ»، واستطرد: «واللى يعمل كدا ملوش مكان بينا».
وأشار السيسي، إلى أن المشروعات التي تقيمها الدولة فيما يتعلق بمجال الزراعة والمنتجات الزراعية هدفها ربط آليات السوق.
وقال الرئيس: «هدفنا ربط آليات السوق، مش موضوع إن في تجار بتكسب، التاجر لازم يكسب لما يجد إن الفرصة متاحة، أنا مش بدافع عنه، لو قلت للتاجر متكسبش يبقى أنت مش واخد بالك». وأكد الرئيس أن الدولة بحاجة إلى رجال الأعمال «لأن السوق المصري سوق كبير».
وشدد السيسي على أنه لن يسمح بالتعدي على حقوق الدولة أو أملاكها بأي شكل من الأشكال، وانتقد تسبب مسجد في إعاقة مشروع محور المحمودية الذي تنفذه الدولة، حيث قال: «قولنا في الـ14 منطقة تنموية على محور المحمودية هنحط المساجد والكنائس التي كانت موجودة غلط وأرض تعدي».
وأضاف الرئيس السيسي: «المساجد والكنائس لا تبنى على أرض حرام ولازم الدولة توافق عليها، أنت بتعمل حاجة غلط وده من منظور ديني.. الأرض لا يتم وضع اليد عليها ويقولك إحنا بنبني جامع ربنا ميقبلش الجامع بتاعه يتعمل كده، ربنا يقبل إن الجامع بتاعه يتعمل على أغلى أرض بالفلوس».
