استغاثة طالبات لرئيس جامعة الأزهر: «بنحضر مع الولاد في مدرج واحد»
وجهت طالبات بكلية الصيدلة جامعة الأزهر بأسيوط استغاثة لرئيس الجامعة، الدكتور محمد المحرصاوي.
وبحسب تدوينة على إحدى مجموعات موقع التواصل الاجتماعي «فيس بوك»، حكت الطالبات بالفرقة الرابعة معانتهن داخل الكلية.
وقالت الطالبات: «احنا بنعاني أشد معاناة يا دكتور، احنا طالبات الفرقة الرابعة بكلية الصيدلة بأسيوط، بنحضر مع الولاد في مدرج واحد».
وأضافت الطالبات: «كارثة بكل المقاييس.. متتضررين جدا ومش قادرين نتكلم وننطق مع الدكاتره، النهارده أنا روحت الجامعة ووقفت قدام المدرج ورجعت تاني معرفتش ادخل المدرج من كثرة الولاد».
وأوضحت التدوينة: «احنا عددنا 15 بنت وهنحضر مع أكتر من 120 ولد، يعني حرام ولا حلال اللي بيحصل في الأزهر ده يا دكتور» متسائلين: «ومن امتى فيه اختلاط في المدرجات؟».
وتابعت: «احنا جينا على نفسنا وبنروح نحضر في كلية البنين، لكن ميوصلش الإمر لأن احنا ناخد في مدرج واحد، أرجو سرعة الفصل احنا حقنا ناخد لوحدنا مش اختلاط وعك، دا أبسط حقوقنا»
واختتمت: «مع العلم إن اللي بيحصل دا بدون علم حد ومش قانوني أساسا إن الأزهر يكون فيه اختلاط! ارجو سرعة الفصل، الدراسة بدأت بقالها أسبوعين ومش عارفين ندخل المدرج ولا نحضر ودا ميرضيش حد اللي بيحصل ده».
