رئيس التحرير أحمد متولي
 الفنان فتحي عبد الوهاب ينشر صورة تقطيع «تورتة» مصطفى خطيب نهال

الفنان فتحي عبد الوهاب ينشر صورة تقطيع «تورتة» مصطفى خطيب نهال

نشر الفنان فتحي عبد الوهاب صورة تقطيع «التورتة» تعليقا على واقعة «مصطفى أوب ترتة» التي اجتاحت منصات التواصل الاجتماعي.

وكتب «عبد الوهاب على صفحته الشخصية: «خاله العيان وولاده وهما بيقطعوا التورتة».

قصة مصطفى أبو تورتة

صدر وسم «#مصطفى_ابو_تورته» قائمة الأعلى تداولا في مصر على موقع التواصل الاجتماعي «تويتر»، بعد ساعات من تداول منشور لفتاة تحكي فيه التصرف الغريب لشاب ارتبطت به في حفل خطبتهما.

وتفاعل الكثيرون مع الوسم دعما للفتاة التي تركها الشاب في حفل خطبتهما، وانتقدوا تصرفه.

هاشتاج مصطفى أبو تورتة

بدأ الأمر عندما نشرت الفتاة نهال تفاصيل ما حدث خلال حفل خطبتها على شاب يدعى مصطفى من خلال منشور على «فيسبوك».

وقالت الفتاة: "طيب مش عادتى اتكلم واحكى عن حياتى الشخصيه على الفيس ..بس الى حصلى مش شوية فمضطرة اتكلم عشان متعبش..انا كان مقرى فتحتى زى ما كله عارف على مصطفى و خطوبتى كانت يوم السبت ال فات مفروض.. كان بينا مشاكل زى اى اتنين عاديين مع مامته بقى و خلافات بتحصل اول ما اطلب حاجةو قولت دا عادى بيحصل بس الى متخيلتش انه يحصل انه يسبينى فى القاعه لوحدى..

اتفاجئت انه مش عازم صحابه ولا قاريبه كلهم وحسيت ف حاجة غلط حتى مامته واخته مفيش وحده فيهم جت بركتلى وقولت امشى اليوم.. كل ما اقوله فين الشبكه اللي حنلبسها يقولى اصل اتكب عليها شربات اصل وقع جاتوه عليها ..طب خليها بعد البوفيه وكلام كله غريب كدا لحد ما دخلنا بعد البوفيه لقيت اهله كلهم مشيوااا و قال ايه خالوا تعب ! ف يقوم اهله كلهم يمشوا.. ونا ف القاعه لوحدى بدور عليه الاقيه بيصرخ برا و يقول خالى عيان و بيطلم وحاجات غريبه كدا ونا اقسم بالله ما مستوعبه الى بيحصل هو ف واحد خاله عياااان عليته كلها بتمشى ! الستات اختفو بس كانو بيهزروا فوق نسوا العيان..

[{read-123458-(title)}]

والانيل اننا اكتشفنا انهم اخدوا التورت معاهم طب مش خالك عيان ...اخدتوا التورت معاكم و ملبسنيش شبكه ..و قبل كل دا بايام جالى البيت و اخد التوينز بتاعت قراية الفاتحة بحجه انه عايز يلبسنى كله مرة واحده ف القاعه ونا هبله وافقت ! مجاش ف بالى للحظه واحده انه حيعمل فيا كدا.. دلوقتى حبه اقول كل دا عشان ايه؟ كان ممكن ننهى بالمعروووووف من غير اذى نفسى ليااا ..كان ممكن تسترجل وتيجى تقولى يلا نفركش وكنت لغيت الخطوبه ..مش جى و بترقص وتقولى محضرلك مفاجاه .... و فى نيتك تعمل فيا كدا ...حسبى الله ونعم الوكيل..

وانا ك نيهال مش زعلانه عليك اصلا انت متستاهلش لكن صعبان عليا نفسى والى حصل وانى واقفت اتخطب لواحد زيك قليل الاصل.. والدنيا يابنى داين تدان و بكرة تشوف .اصل ربنا مبيسبش ...وتانى بقولهالك كنت تسترجل و نمشى بالمعروف بدل ما تعمل فيلم تعب خالك دا و تصغروا نفسكوا بالشكل دا قدام الناس كلها.. ولعملك سهلت علياااا كتير اوووى لانى مبقتش زعلانه عليك اصلا ولا فكرالك حتى حاجة وحده عدله استعوضت ربنا فى حقى..

وحسبى الله ونعم الوكيل تانى.. لا يموت الديان.. تشوف ده ف دنيتك و ف اختك.. وتبقي انت تسمع كلام امك.. وباعت ريكوردات واتس.. جدع انت كدة وانتي عملتي حاجات كتير وانه بقي رده أنه يعملي فضيحة ف القاعة".

 

عبدالله الشافعي

عبدالله الشافعي

صحفي مصري متخصص في الملف الطلابي بموقع شبابيك، حاصل على كلية الإعلام ومتابع لأخبار الأقاليم، مقيم في محافظة الجيزة.